ԹԵԹԵՎ ՀԻՄՔ
Տարիների հետ մեր մաշկում ավելի է մեծանում հակվածությունը դեպի գունազրկումը և փայլատությունը, այդ պատճառով փնտրիր հիմք, որը մաշկին ոչ միայն հաղորդում է լուսարձակող արդյունք, այլև ապահովում հարթ մակերես: Խուսափի՛ր «ծանր» բանաձևերից, դրանք միայն ավելի շատ կընդգծեն դիմախաղից առաջացած կնճիռները: Դրա փոխարեն դեմքի մաշկին և պարանոցին համաչափ տարածիր թեթև հիմք կամ СС քսուք (օրինակ՝ Բազմաֆունկցիոնալ քսուք Giordani Gold-ից): Թեթև քողարկիչը կօգնի քողարկել անհրաժեշտ հատվածները, այն անհրաժեշտ է տարածել աչքերի տակի հատվածներին և քթի երկու կողմերի վրա:
ԵՐԵՍԻ ՊԱՏԱՆԵԿԱՆ ԿԱՐՄՐՈՒԹՅՈՒՆ
Սնգույրը կարող է ակնթարթորեն նվազեցնել քո իրական տարիքը: Անթերի արդյունքի համար այտոսկրի ամենաբարձր կետում մերսելով տարածիր քսուքային սնգույրը: Սա կօգնի այտոսկրերը դարձնել առավել արտահայտիչ: Վարդագույն երանգներով լուսարձակող սնգույրը տեսողականորեն կնրբացնի դեմքը և կնվազեցնի կնճիռները: Մեր ընտրությունը՝ Գնդիկավոր սնգույր Giordani Gold և Սնգույր Very Me «Քաղցր հատապտուղ»
ԸՆԴԳԾՎԱԾ ԱՉՔԵՐ
Տարիների ընթացքում կոպերը կարող են ձգվել և փոքր-ինչ «կախվել», սակայն ճիշտ դիմահարդարումը կօգնի լուծել այս խնդիրը: Շարժվող կոպին տարածիր փափուկ, փայլատ ստվերաներկ՝ հայացքին խորություն հաղորդելու համար: Խուսափի՛ր գունատ երանգներից և փայլից՝ դրանք ընդգծում են կնճիռները և մաշկին հաղորդում գունատ տեսք:
Պտտված թարթիչները տեսողականորեն բարձրացնում են կոպերը, իսկ ծավալ հաղորդող սևաներկը կշտկի նոսր թարթիչների տպավորությունը:
ԽԻՏ ՀՈՆՔԵՐ
Հոնքերն ընդգծում են դեմքը և դիմագծերը դարձնում առավել հստակ: Բարակ հոնքեր ունենալու դեպքում՝ վերցրո՛ւ The ONE հոնքերը շտկող հավաքածուն
և օգտագործիր բնական երանգներով մատիտ՝ բլոնդ կամ դարչնագույն և թեթև շարժումներով «լցրու» անհրաժեշտ հատվածները:
ԳՐԱՎԻՉ ՇՈՒՐԹԵՐ
Տարիների ընթացքում շուրթերը կորցնում են իրեն գրավիչ տեսքը: Դրանց բարակությունը քողարկելու համար մի՛ օգտագործիր շուրթերի մատիտ և փայլատ շրթներկ, փոխարենը շուրթերի կենտրոնում տարածիր շուրթերի փայլ՝ դրանց առավել ծավալուն և երիտասարդ տեսք հաղորդելու համար:
Մարջանագույն և կարմիր գամմայից միջին ինտենսիվության երանգի շրթներկը շատ շահեկան է՝ անկախ տարիքից, իսկ բաց վարդագույն, մուգ սալորագույն և դարչնագույն երանգները կարող են բերանը տեսողականորեն դարձնել առավել հարթ և ավելացնել Ձեր տարիքին ևս մի քանի տարի:
