Լողափնյա գանգուրներ` երեք քայլով

ՈՒՂԻՂ ՄԱԶԵՐԻ ԴԵՊՔՈՒՄ
Քեզ անհրաժեշտ է ջերմապաշտպան ցողաշիթ, ունելիք, կայունություն հաղորդող ցողաշիթ
1. Տարածիր ջերմապաշտպանիչ ցողաշիթ: 
2. Մազերը բաժանիր 4 կամ 5 փնջերի՝ սկսելով մեջտեղի հատվածից (առանց մազարմատներին դիպչելու)։ Այնուհետև, ունելիքի օգնությամբ մի քանի անգամ մշակիր մազափնջերը։ 
3. Ավարտելով ունելիքի հետ աշխատելը՝ մազերին տարածի՛ր սանրվածքը ֆիքսող ցողաշիթ։ Ծավալ հաղորդելու համար՝ արմատների հատվածում փոքր-ինչ գզիր մազերը։

ԲԱՐԱԿ ՄԱԶԵՐԻ ԴԵՊՔՈՒՄ
Քեզ անհրաժեշտ է ծավալ հաղորդող մուս, ունելիք, ձև հաղորդող ցողաշիթ։ 
1. Խոնավ մազերին տարածիր ծավալ հաղորդող մուս՝ սկսած մազարմատներից մինչև ծայրեր, և չորացրու վարսահարդարիչի օգնությամբ՝ առանց հարդարելու մազերի ծայրերը։ 
2. Առանձնացնելով մազերի փոքր փնջեր՝ պտտիր դրանք։ Այնուհետև, պտտիր մազերն ունելիքի օգնությամբ անկյան տակ։ 
3. Վերջում տարածիր ձև հաղորդող ցողաշիթ։ Եթե օրվա ընթացքում նկատես, որ սանրվածքի ծավալը փոքրանում է, մազերի ծայրերին տարածիր քիչ քանակությամբ չոր շամպուն։

ԳԱՆԳՈՒՐ ՄԱԶԵՐԻ ԴԵՊՔՈՒՄ
Քեզ անհրաժեշտ է մազերի յուղ, գլխակապ և մազակալներ, ինչպես նաև ձև հաղորդող ցողաշիթ։ 
1. Բնական գանգուրներ ունենալու դեպքում՝ պետք է պարզապես ընդգծել այն, ինչ արդեն կա։ Մազերը լվա երեկոյան և չորացրու սրբիչի օգնությամբ, ինչից հետո էլ մազերին տարածիր մազերի յուղ։
2. Մազերը բաժանիր և ստացիր ոչ շատ ձիգ երկու հյուս։ Ամրացրու դրանք մազակալներով և պառկիր քնելու։ 
3. Առավոտյան անհրաժեշտ է միայն քանդել այդ հյուսերը և մշակել դրանք ձև հաղորդող ցողաշիթի միջոցով։