5 հարց բուսթերների մասին

Որոնողական համակարգերը «բուսթեր» բառը որոնելիս ցույց են տալիս երեխաների քարսիթեր, նորաձևության բլոգերները գովերգում են այն, իսկ դու ուղղակի չես հասկանում՝ ինչպես և ինչու ավելացնել այս ապրանքատեսակը մաշկի խնամքի քո միջոցների շարքին: Հասկանանք միասին:

Ի՞նչ է բուսթերը
Այս կոնցենտրացված միջոցը լուծում է այն  խնդիրները, որոնք միշտ չէ, որ բնորոշ են քո մաշկին, այլ առաջանում են տվյալ պահին՝ որպես սխալ կենսակերպի հետևանք: Օրինակ՝ մի քիչ ավելի շոկոլադ ես կերել  և արթնացել մաշկիդ վրա ցանավորմամբ: Կամ ամբողջ գիշեր զվարճացել ես, իսկ առավոտյան արթնացել դեմքի խամրած գույնով: Բուսթերն օգնում է արագ կարգի բերել մաշկը:

Եթե ես շիճուկ ունեմ, անհրաժե՞շտ է բուսթեր օգտագործել
Շիճուկը համալիր խնամքի մաս է, դու օգտագործում ես այն ամեն օր, որպեսզի մաշկդ նախապատրաստես քսուքի տարածմանը: Բուսթերն ավելացվում է քսուքի մեջ և օգտագործվում մեկ անգամ կամ երկարաժամկետ, երբ անհրաժեշտ է հավելյալ խնամք՝ հստակ նպատակով: Պատահական չէ, որ բուսթերը վաճառվում է փոքրիկ շշով: Դրանում ակտիվ նյութերի պարունակությունը շատ ավելի մեծ է, քան շիճուկի մեջ, բուսթերի շատ փոքր քանակությունն արդեն իսկ բավարար է:

Ինչպե՞ս և ե՞րբ օգտագործել բուսթերը
Բուսթերի մի քանի կաթիլ ավելացրու Optimals շարքի քո սիրելի դեմքի քսուքին, խառնիր, մինչ միատարր դառնա և տարածի՛ր որպես մաշկի խնամքի եզրափակիչ գործողություն: Կարող ես օգտագործել այն առավոտյան կամ երեկոյան, օրական մեկ կամ երկու անգամ, մեկանգամյա կամ ամբողջական կուրսով՝ ելնելով մաշկիդ վիճակից և տեսանելի արդյունքից: Ոչ մի դեպքում մի՛ օգտագործիր բուսթերն առանձին. միայն քսուքի հետ համատեղ:

Կարո՞ղ եմ համատեղել բուսթերը շիճուկի/տոնիկի/դիմակի հետ
Պետք չէ համալիր խնամքի որևէ փուլից հրաժարվել այն օրը, երբ պլանավորում ես բուսթեր օգտագործել: Բուսթերի բանաձևերը կատարելապես համատեղելի են Optimals համալիր խնամքի մյուս միջոցների հետ:

 

Արդյո՞ք պետք է ընտրել բուսթերի մի տեսակ
Շիճուկը կարող է լինել միակը, այն պետք է ընտրել խստորեն հենց քո՛ մաշկի տեսակի համար, մինչդեռ բուսթերները հարմար են բոլորին: Թող բոլոր բուսթերները լինեն քո դիմահարդարման սեղանին, իսկ դու օգտագործիր մեկն՝ ըստ իրավիճակի: 

Սնուցող բուսթեր—  Е վիտամինով, ագարիկոնի, կանոլայի յուղերով և մասուրի յուղից ստացված օմեգա-3 և օմեգա-6 ճարպաթթուներով հագեցած բանաձևը խորությամբ խոնավացնում է և սնուցում մաշկը՝ հանգստացնելով և վերականգնելով այն:

Թարմացնող բուսթեր
— կոկռոշենու մրգային թթուներով, ծովային պրեբիոտիկներով, В5 պրովիտամինով և չիչխանից ստացված հակաօքսիդիչներով հագեցած բանաձևը թարմացնում է մաշկը՝ դարձնելով ավելի հարթ և մաքուր, վիզուալ նվազեցնում է ծակոտիները: 

Հակաօքսիդիչ բուսթեր— Е և С վիտամիններով, նիացինամիդով և չիչխանից ու ելակից ստացված հակաօքսիդիչներով հագեցած բանաձևը մաշկին վերադարձնում է փայլն ու տոնուսը, բարելվում է կառուցվածքն ու թարմացնում երանգը:

Տեքստ Ֆոտո Oriflame