ՎԻՏԱՄԻՆՆԵՐ ԵՐԻՏԱՍԱՐԴՈՒԹՅԱՆ ՀԱՄԱՐ
Մաշկի ծերության դեմ պայքարող քո միջոցի փաթեթավորման վրա А վիտամինն, ամենայն հավանականությամբ, նշված է որպես «Ռետինոլ»։ Սա հզոր հակաօքսիդիչ է և միջբջջային թաղանթի կարևոր կառուցվածքային բաղադրիչ, որը պատասխանատու է բջիջների երիտասարդության համար՝ պաշտպանելով դրանք ազատ ռադիկալների ազդեցությունից։ А վիտամինի գործունեության արդյունքն ակնառու է և արտահայտվում է նրանով, որ քո մաշկը դառնում է ավելի հարթ և փափուկ։ Սակայն եթե մաշկդ հակված է բորբոքվածությունների, ապա ռեթինոլ պարունակող միջոցներ օգտագործելիս պետք լինես չափազանց ուշադիր և սկսես աստիճանաբար։
А վիտամին պարունակող միջոց՝ Ցերեկային հակատարիքային քսուք Love Nature
ՎԻՏԱՄԻՆ՝ ՇՈՂԱՑՈՂ ՄԱՇԿԻ ՀԱՄԱՐ
С վիտամինը (ասկորբինաթթու) հզոր հակաօքսիդիչ է, որը մաշկը պաշտպանում է շրջակա միջավայրի աղտոտվածությունից և արևի ճառագայթներից առաջացող ազատ ռադիկալների վնասակար ազդեցությունից։ С վիտամինը հակատարիքային խնամքի կարևոր բաղկացուցիչներից է, քանի որ խթանում է կոլագենի արտադրությունն ու նպաստում հյուսվածքների վերականգնմանը։ С վիտամինը նաև ճնշում է տիրոսինազի արտադրությունը՝ ֆերմենտ, որն առկա է բջիջներում և նպաստում է մելանինի մակարդակի բարձրացմանը։ Այս է պատճառը, որ այն նաև չափազանց արդյունավետ է՝ որպես սպիտակացնող և գերագունակավորման դեմ պայքարող միջոցների բաղադրիչ։ Սա բավականին լավ հատկություն է մեկ վիտամինի համար։
С վիտամինը պարունակող միջոց՝ Time Reversing գիշերային վերականգնող դեմքի շիճուկը։
ՎԻՏԱՄԻՆ՝ ՎԵՐԱԿԱՆԳՆՄԱՆ ՀԱՄԱՐ
Е վիտամին (տոկոֆերոլ)՝ հակաօքսիդիչ, որը կրճատում է ազատ ռադիկալներից (առաջանում են արևային ճառագայթման արդյունքում) մաշկի վնասման ռիսկը։ Դա կատարվում է ուլտրամանուշակագույն ճառագայթների էներգիայի կլանման և բացասական արդյունքի չեզոքացման հաշվին, որոնք հանգեցնում են կնճիռների առաջացման։ Բացի հակատարիքային հատկություններից, Е վիտամինը ուժեղացնում է մաշկի բջիջների բնական ջրապահպանիչ շերտը, ինչպես նաև ունի հակաբորբոքային հատկություններ, ինչը թույլ է տալիս այն օգտագործել այրվածքներից հետո վերականգնվելու և բծերից ազատվելու համար։
Е վիտամինն առկա է Tender Care պաշտպանիչ բալզամում
ՎԻՏԱՄԻՆ՝ ՄԱՇԿԻ ԿԱՐՄՐԱԾՈՒԹՅԱՆ ԴԵՄ
Վիտամին В3-ը (նիացին կամ նիացինամիդ) խթանում է կերամիդների սինթեզը, որը կատարում է միջբջջային կապակցող էլէմենտի դեր՝ մաշկի վերին շերտերի բջիջների համար։ Արդյունքում բարձրանում են մաշկի պաշտպանիչ հատկությունները, անհրաժեշտ խոնավությունը ներսում ավելի լավ է պահպանվում, իսկ վնասակար նյութերը ավելի լավ են դուրս գալիս։ Դա օգնում է մաշկին մնալ երիտասարդ։ Բացի այդ վիտամին В3-ն ունի հակաբորբոքային հատկություն, այդ պատճառով օգտագործվում է ակնեի բուժման ընթացքում։ Քանի որ В վիտամինը բջջաթաղանթի կառուցվածքային էլէմենտ է, այն արդյունավետ է ցանի և բորբոքվածությունների հատվածներում մնացած կարմրածությունների բուժման համար։
В վիտամինը պարունակող միջոց է Essentials ցերեկային խոնավացնող քսուքը
