Հավերժ երիտասարդություն․ պայքարում ենք ծերության առաջին նշանների դեմ

Քնի պակաս, վնասակար «սննդային ընդմիջումներ», սուրճի շատ քանակություն. վաղ, թե ուշ կգա այն օրը, երբ ռեժիմի ցանկացած խախտում արտահայտվում է մաշկի վիճակի վրա։ Եվ դա ոչ թե պատանեկան ցան է, այլ ծերության առաջին նշաններ՝ դիմախաղի կնճիռներ, փայլատ դեմք, լայնացած ծակոտիներ։ Պատմում ենք, թե ինչպես արդյունավետ պայքարել դրանց դեմ։

ԾԵՐՈՒԹՅԱՆ ՆՇԱՆ․ ՋՐԱԶՐԿՈՒՄ
Կանացի օրգանիզմը սեռական հասունության շրջան մտնելուն պես սկսում է արտադրել պրոգեստերոն հորմոնը, որը կարող է մաշկը չորացնել։ Այդ պատճառով էլ վաղ տարիքից անհրաժեշտ է խոնավացմանը հատկացնել բավարար ժամանակ, սա ծերության նշանների առաջացման լավագույն կանխարգելումն է։ Ամինաթթուներ, հակաօքսիդիչներ, հանքանյութեր և վիտամիններ պարունակող խոնավացնող ցերեկային քսուքները պայքարում են այս նշանների դեմ։ Օրինակ՝ True Perfection ցերեկային քսուքը, որը պարունակում է բույսերի ցողունային բջիջներ, շիճուկն օգտագործելուց հետո կօգնի պահպանել դեմքի մաշկի թարմ ու շողացող տեսքը:

ԾԵՐՈՒԹՅԱՆ ՆՇԱՆ․ ԱՉՔԵՐԻ ՏԱԿ ՊԱՐԿԵՐ

Եթե սիրում ես զվարճանալ ողջ գիշեր, ուտում ես աղի սնունդ և խմում ջրի ոչ բավարար քանակություն, ապա դիմում ես ռիսկի ունենալու սեզոնի ամենանորաձև աքսեսուարը՝ աչքերի տակ այտուցվածությունը։ Դրանցից ազատվել կօգնի կոֆեին պարունակող աչքերի շուրջ հատվածի քսուքը։ Այն կհաղորդի առաձգականացնող արդյունք։ Բացի այդ, այսպիսի քսուքը կպաշտպանի աչքերի շուրջ նուրբ մաշկը վնասվելուց և կհեռացնի ծերության առաջին նշաններն այնտեղ, որտեղ դրանք հայտնվում են առաջնահերթ։ Իսկ միջոցը սառնարանում պահելու դեպքում արդյունքը կլինի առավել նկատելի՝ շնորհիվ սառը գլխիկով մերսման։





ԾԵՐՈՒԹՅԱՆ ՆՇԱՆՆԵՐ. ՄԱՇԿԻ ՈՉ ՀԱՄԱՉԱՓ ԵՐԱՆԳ։

Քո մաշկը ստացել է անհամաչափ երա՞նգ, ծակոտիները դարձել առավել նկատելի, իսկ դեմքի երանգը՝ գունատ։ Սա կարտիզոլի  (հորմոն, որն արտադրվում է սթրեսի և քնի պակասության ազդեցության ներքո) ազդեցության արդյունք է։ Այն նաև կարող է հրահրել բորբոքվածության և այլ թերությունների առաջացումը և խանգարել օրգանիզմի վերականգնմանը։ Հենց այս պատճառով էլ ունենում ես քո տարիքին անհամապատասխան տեսք։ Գեղեցկության ոսկե կանոնը․ ամեն օր 8 ժամ քուն։

Այն դեպքում, եթե հիպերգունակավորումն առաջացել է հորմոնալ փոփոխությունների կամ արևի ճառագայթների վնասակար ազդեցության պատճառով, քեզ կօգնի հիդրոքինոն կամ С վիտամին պարունակող միջոցը։ Եվ, իհարկե, մշտապես օգտագործիր SPF–ով միջոցներ։

ԾԵՐԱՑՄԱՆ ՆՇԱՆՆԵՐ․ ՓԱՅԼԱՏ ՄԱՇԿ

Ժամանակն է անցնել շերտազատող պրոցեդուրաների կիրառմանը։ Մաշկի մաքրման գործիքը (օրինակ՝ SkinPro) մաշկի վերին շերտից կհեռացնի մահացած բջիջները, գլիկոնաթթու պարունակող միջոցները (օրինակ՝ Գիշերային քսուք True Perfection) խթանում են մաշկի բջիջների վերականգնողական պրոցեսները, իսկ կաթնային թթուն և սալիցիլաթթուն կօգնեն կշտկեն թերությունները։

Հակաօքսիդիչները չեն լինում շատ։ Քո մաշկում բավարար քանակությունն ապահովելու համար օգտագործի՛ր շիճուկներ։ Պարսկական մետաքսածառի մզվածքը բնական հակաբորբոքային միջոց է, որը գործում է բջջային մակարդակում՝ խոնավացնելով մաշկը և պայքարելով ծերության դեմ։ Մաշկի կատարելության համար ակնթարթային ազդեցության True Perfection շիճուկն անցել է կլինիկական հետազոտություններ, որոնց ընթացքում ապացուցվել է․ մաշկի փայլն ավելանում է 95%-ով։



ԾԵՐՈՒԹՅԱՆ ՆՇԱՆՆԵՐ․ ԿՆՃԻՌՆԵՐ
Հնարավոր է՝ ուտում ես չափից շատ շաքար։ Ստուգի՛ր․ օրական առավելագույն չափաբաժինը չպետք է գերազանցի վեց թեյի գդալը։ Շաքարն առաջացնում է բորբոքվածություն, կրճատում կոլագենի և էլաստինի արտադրությունը, իսկ սա էլ իր հերթին հանգեցնում կնճիռների առաջացմանը։ Ճիշտ դիետան նույնքան կարևոր է, որքան և մաշկի ճիշտ խնամքը։

Աստաքսանտին հզորագույն հակաօքսիդիչը նպաստում է կոլագենի արտադրությանը, կրճատում կնճիռները և խոնավացնում մաշկը՝ օգնելով ապահովել ավելի երիտասարդ տեսք։ Սա բավարար պատճառ է աստաքսանտինը սննդակարգի մեջ ներառելու համար, այնպես չէ՞։

 


Տեքստ Ֆոտո Shutterstock