Ինչպես հաղթահարել վախերը

1. ՀԱՍԿԱՑԻՐ
Փորձիր հասկանալ՝ ինչից ես վախենում և ինչու։ Արդյո՞ք իրական է քո վախի պատճառը։ Ի՞նչն է կոնկրետ քեզ անհանգստացնում։ Վախը հասկանալուն պես՝ քեզ բավականին հեշտ կլինի դրա հաղթահարումը։

2. ՇՆՉԻՐ
Եթե բախվել ես վախեցնող որևէ իրավիճակի, քեզ կօգնի պարզ շնչառական տեխնիկան։ Շունչդ պահիր և հաշվիր մինչև տասը, որից հետո բերանով դանդաղ արտաշնչիր։ Ընթացքում պատկերացրու՝ ինչպես են քո մարմինն ու միտքը լիցքաթափվում և գալիս ներդաշնակության։

3. ԽՈՍԻՐ
Սեփական վախերով այլ մարդկանց հետ կիսվելու միտքն ինքնին կարող է վախեցնել, սակայն, այնուամենայնիվ, այդ գործողությունը կարող է լրջորեն օգնել: Վստահիր մտերիմ կամ հարազատ մարդու։ Երբեմն սեփական դժվարությունների մասին պարզ պատմությունը կարող է կյանքը էապես փոխել դեպի լավը։

4. ԳՐԻՐ
Եթե վախերի մասին խոսելը քեզ համար ծայրահեղ մեթոդ է, փորձիր գրել դրանց մասին։ Օրագիր պահելը կօգնի ավելի լավ հասկանալ ձեր վախերը և դրանց թաքնված պատճառները։

5. ՓՆՏՐԻՐ ԴՐԱԿԱՆԸ
Գտեք սեփական վախերի մեջ որևէ դրական ու օգտակար բան, դա շատ բարդ է, սակայն չափազանց արդյունավետ։ Հուզվո՞ւմ ես հանրության առաջ ելույթ ունենալուց առաջ։ Մտածիր, որ յուրաքանչյուրին էլ հնարավորություն է ընձեռնվում կիսել իր մտքերը մեծ քանակությամբ մարդկանց հետ։ Վախենո՞ւմ ես օդանավով թռիչքից։ Շնորհակալ եղիր տիեզերքին ճամփորդելու հնարավորություն ունենալու համար։ Շնորհակալ լինելու զգացողությունը բավականին ուժեղ է, այն կարող է հաղթահարել վախը ու նվազեցնել ջղագրգիռ վիճակը։

6. ԶԱՐԳԱՑԻՐ
Անծանոթ որևէ բանի հետ բախումը կարող է վախեցնել։ Ազատվիր վախերից՝ ուսումնասիրելով դրանք։ Կարդա գրքեր, դիտիր վավերագրական ֆիլմեր։ Գիտելիքը ուժ է։

7. ՓՈԽԻՐ ՍՈՎՈՐՈՒՅԹՆԵՐԸ
Ալկոհոլից կամ ալկոհոլից հրաժարվելը, կանոնավոր սպորտով զբաղվելը, առողջ սնունդը, հաշվեկշռված սննդակարգը քեզ կհաղորդեն ինքնավստահություն և կօգնեն հաղթահարել վախերը։

8. ԴԻՄԻՐ ՕԳՆՈՒԹՅԱՆ
Եթե զգում ես, որ չես կարողանում ինքնուրույն հաղթահարել վախերը, հնարավոր է՝ ժամանակն է դիմել օգնության։ Պրոֆեսիոնալ հոգեբանը կամ թերապևտը անպայման կօգնեն հաղթահարել դժվարությունները։