1. ԿԱԼՑԻՈՒՄ
Կալցիումն անհրաժեշտ է ատամների և ոսկորների առողջության համար: Այն մասնակցում է մկանային և նյարդային համակարգերի գործառույթների կարգավորմանը, ինչպես նաև անհրաժեշտ է արյան մակարդման համար:
Ինչ ավելացնել սննդակարգի մեջ. կաթ և կաթնամթերքի այլ տեսակներ, բրոկոլի, կանաչեղեն (օրինակ՝ կաղամբ և սպանախ):
2. ԵՐԿԱԹ
Երկաթն օրգանիզմին անհրաժեշտ է կենտրոնական նյարդային համակարգի աշխատանքի համար, ինչպես նաև էներգիայի սինթեզման և մելանինի արտադրության գործընթացներում: Այն նաև մասնակցում է կոլագենի և էլաստինի արտադրությանը և պատասխանատու է շարակցական հյուսվածքի վիճակի համար: Երկաթի պակասության դեպքում մենք ունենում ենք քնկոտության զգացողություն և դժվար ենք կենտրոնանում:
Ինչ է անհրաժեշտ ավելացնել սննդակարգի մեջ. կանաչի, լոբի, ոսպ, ոլոռ:
3. ՄԱԳՆԻՈՒՄ
Թերագնահատված հանքանյութերից մեկը՝ մագնիումը, մասնակցում է օրգանիզմում նյութափոխանակման գործընթացներից 300-ին՝ ներառյալ էներգիայի արտադրությունը, սիրտ-անոթային համակարգի գործունեությունը և մկանային համակարգը:
Ինչ է անհրաժեշտ ավելացնել սննդակարգի մեջ. ընկուզեղեն, լոբազգիներ, ձուկ և չմշակված հացազգիներ:
4. ՑԻՆԿ
Վարակների դեմ պայքարող իրական մարտիկ: Ցինկն անհրաժեշտ է դիմադրողական համակարգի նորմալ գործունեության համար: Այն մեզ դարձնում է քիչ ընկալունակ մրսածության և հարբուխի նկատմամբ և օգնում է օրգանիզմին վերքերը բուժելու հարցում: Քայքայում է ածխաջրերը, պատասխանատու է մաշկի առողջության համար, ինչպես նաև մասնակցում է տեսողության, հոտառության և համի ընկալման պրոցեսներին:
Սննդակարգիդ մեջ ավելացրու չմշակված հացազգիներ, դդմի կորիզներ, լոբի, սպանախ և ծովախեցգետին:
5. ՅՈԴ
Յոդը վահանաձև գեղձի աշխատանքի համար անհրաժեշտ բաղադրիչ է, որը կառավարում է նյութափոխանակությունը, աճը, զարգացումը և օրգանիզմի վերականգնման գործառույթները:
Սննդակարգդ հարստացրու կաթնամթերքով, ինչպես նաև օգտագործիր ձուկ, հավկիթ, սիսեռ:
