Առաջին հերթին քեզ անհրաժեշտ է հանգստի և անդորրի մթնոլորտ՝ լիցքաթափվելու համար: Վերցրո՛ւ մաքուր սրբիչներ, վառի՛ր մոմերը (լավ կլինի՝ վերցնես բուրավետ) և միացրո՛ւ լիցքաթափող երաժշտություն, որը կօգնի բարելավել տրամադրությունը և կհանի սթրեսը:
ՎԱՆՆԱ
Տան պայմաններում սպայի կարևորագույն բաղադրիչը: Վաննա ընդունելուց առաջ ջրի մեջ ավելացրու յուղի փոքր քանակություն և պատրաստիր նաև դիմակ դեմքի համար: Ջրի մեջ անցկացրու նվազագույնը 30 րոպե: Լիցքաթափվի՛ր և հետևի՛ր շնչառությանը: Շնչիր դանդաղ, կառավարիր շունչն ու արտաշունչը:
ՑՆՑՈՒՂ
Վաննայից հետո անպայման անհրաժեշտ է ընդունել նաև ցնցուղ: Օգտագործիր լոգանքի գել, մարմնի և դեմքի սկրաբ: Սկրաբը մաշկին հաղորդում է փափկություն, հարթություն և թարմություն, նպաստում խոնավացնող միջոցների ավելի լավ ներծծվելուն:
ՀՈԳՈՒՄ ԵՆՔ ԴԵՄՔԻ ՄԱՍԻՆ
Չկա ավելի լավ միջոց, քան դեմքի յուղը կամ շիճուկը, որոնք մաշկին հաղորդում են հարթություն և առողջ փայլ: Տարածիր այն շրջանաձև շարժումներով և ավարտիր՝ տարածելով գիշերային կամ ցերեկային քսուք՝ կախված օրվա ժամանակահատվածից:
ԽՈՆԱՎԱՑՆՈՒՄ ԵՆՔ ՄԱՐՄԻՆԸ
Լոգանքից անմիջապես հետո, երբ մաշկը դեռ խոնավ է, մարմնին տարածիր խոնավացնող քսուք: Սա կօգնի պահպանել մաշկի խոնավությունը: Լավագույն արդյունքի համար տարածիր մարմնի լոսյոն և մի՛ մոռացիր ձեռքերի քսուքի մասին:
ԽՆԱՄՈՒՄ ԵՆՔ ՄԱԶԵՐԸ
Ցնցուղ ընդունելիս մազերը լվա շամպունով, որն իր մեջ պարունակում է նաև կոնդիցիոներ, այնուհետև տարածիր մազերի դիմակ: Մազերը հավաքիր սրբիչով կամ կրիր լոգանքի գլխարկ և տաքացրու մազերը վարսահարդարիչով: Տաք ջերմաստիճանը նպաստում է դիմակի՝ մազերի ֆոլեկուլներում ավելի լավ ներծծվելուն: Գործընթացը կրկնիր, եթե մազերդ հակված են դեպի չորը:
«Կարելի է» և «Չի կարելի»
Կարելի է. Սպա՝ լարված օրվա ավարտին
Չի կարելի. Որևէ մեկն անհանգստացնի քեզ այս ժամանակահատվածում: Անջատիր հեռախոսդ