Հարցազրույց մոդելի հետ. Կայլա Քլոուզ

Մենք հանդիպեցինք Կայլա Քլոուզի (մոդել ՀԱՀ-ից) հետ, որպեսզի խոսենք մաշկի խնամքի, դիմահարդարման պրոցեդուրաների և միջոցների մասին, և իմանալու համար՝ ինչ է նշանակում մոդել լինելը:

Ինչպե՞ս դարձար մոդել
Գործակալության աշխատակիցը ինձ գտավ, երբ ես 13 տարեկան էի: Դա տեղական գործակալություն էր Դուրբան քաղաքում: Ծնունդով հենց այդ քաղաքից եմ: Սակայն որպես մոդել իմ աշխատանքը սկսել եմ 16 տարեկանում: 

Քեզ դո՞ւր է գալիս մոդելի աշխատանքը 
Ես ուղղակի պաշտում եմ այս զբաղմունքը: Ես աշխատում եմ արդեն երկու տարի, ապրում Լոնդոնում և ճամփորդում Ասիայով և Եվրոպայով՝ չնայած, որ իմ տունը նախկինի պես մնում է Քեյփթաունը: Ամենից շատ ինձ դուր եկան Բարբադոսում կատարված նկարահանումները: Այնտեղ պարզապես դրախտային լողափներ են:

Աշխատանքի բերումով ճամփորդում ես բավականին շատ, իսկ ունե՞ս բյութի խորհուրդներ բոլոր նրանց համար, ովքեր պատրաստվում են ինքնաթիռով թռիչքի 
Ես միշտ պայուսակում ունենում եմ դեմքի ցողաշիթ, իսկ թռիչքի ընթացքում օգտագործում հագեցած դիմակներ և խմում շատ ջուր:

Հետևո՞ւմ ես արդյոք որևէ դիետայի: 
Ոչ, չեմ պահպանում ոչ մի հատուկ դիետա, պարզապես փորձում եմ օգտագործել հնարավորինս քիչ ածխաջուր և ավելի շատ առողջ, ոչ յուղոտ սնունդ:

Աշխատանքից դուրս օգտագործո՞ւմ ես կոսմետիկ միջոցներ 
Աշխատանքից դուրս ես օգտագործում եմ նվազագույն քանակությամբ կոսմետիկ միջոցներ: Օգտագործում եմ միայն երանգ հաղորդող խոնավացնող միջոց, քողարկիչ, սնգույր և սևաներկ:

Դու ունես հիանալի մաշկ: Ինչպե՞ս ես այն խնամում
Մաշկը մահացած բջիջներից մաքրելու համար շաբաթը երկու-երեք անգամ օգտագործում եմ դեմքի սկրաբ, իսկ քնելուց առաջ դնում խոնավացնող դիմակ: Սա իմ գաղտնի զենքն է:


Կեյլան խորհուրդ է տալիս

 

ԱՐՏԱԴՐԱՆՔ, ՈՐԸ ՄԻՇՏ ԱՆՀՐԱԺԵՇՏ Է
Ծավալ հաղորդող սևաներկ

ՄԱԶԵՐԸ ԽՆԱՄԵԼՈՒ ԽՈՐՀՈՒՐԴ
Փորձում եմ խուսափել մազերս բարձր ջերմաստիճանի ազդեցությանը ենթարկելուց, նախընտրում եմ դրանք չորացնել բնական եղանակով: Իսկ շաբաթը մեկ օգտագործում եմ մազերի գիշերային դիմակ, որը լվանում եմ առավոտյան:


ԲՅՈՒԹԻ-ԽՈՐՀՈՒՐԴ ԱՄԱՌՎԱ ՀԱՄԱՐ
Ես միշտ օգտագործում եմ SPF 50 գործոնով արևապաշտպան միջոցներ: Կարծում եմ, որ դա չափազանց կարևոր է մաշկիս համար:

ԲՅՈՒԹԻ-ԽՈՐՀՈՒՐԴ ՁՄԵՌՎԱ ՀԱՄԱՐ
Ձմռանը ես խուսափում եմ տաք ջուր օգտագործելուց, նախապատվությունը տալիս եմ խոնավացնող շիճուկներին: Ձմռան ցուրտ օրերին շատ կարևոր է խոնավացնել մաշկը՝ չորանալուց խուսափելու համար:

ՔՈ ՍԻՐԵԼԻ ԿԵՐՊԱՐԸ
Ինձ դուր է գալիս «սմոքի այզ» աչքերի հարդարումը՝ համադրած մաշկագույն երանգի շրթներկի հետ:


Տեքստ Ֆոտո Oriflame Editorial Team