Կենդանիների իրավունքների պաշտպանության պարտականությունները
Օրիֆլեյմ ընկերությունն իր արտադրանքը չի թեստավորում կենդանիների վրա: Արտադրանքի անվտանգության հաստատման և անվտանգության ամենաբարձր ստանդարտների պահպանման ապահովման համար՝ մենք համագործակցում ենք անկախ լաբորատորիաների և որակավորված բժշկական անձնակազմի հետ: Սա հնարավորություն է ընձեռում թեստավորել մեր կոսմետիկ միջոցները և գնահատել մաշկի վրա դրա ազդեցությունը՝ ներգրավելով կամավորներին (18 տարեկանից բարձր առողջ մարդիկ): Անվտանգության փորձարկումներն անցկացվում են փորձագետների թիմի օգնությամբ՝ արտադրանքի բաղադրության մանրամասն վերլուծությունն անցկացնելուց և կամավորի համաձայնությունը ստանալուց հետո: Թեստավորման գործընթացն անցկացվում է որակավորված բժշկական անձնակազմի հսկողության տակ: Կոսմետիկ միջոցների կլինիկական փորձարկումներն ընդունվել են որպես անվտանգ և կենդանիների վրա թեստավորումներ անցկացնելու էթիկական այլընտրանք: Ներկայումս նմանատիպ փորձարկումները հանդիսանում են ստանդարտ պրակտիկա:
Օրիֆլեյմը կոսմետիկական բնագավառում առաջիններից մեկն էր, որ հրաժարվեց արտադրանքը կենդանիների վրա թեստավորելուց: Այս ընտրությունը մենք կատարեցինք դեռ 1967 թ.-ին՝ մեր հիմնադրման պահից և շարունակում ենք հետևել այս սկզբունքին:
Օրիֆլեյմ ընկերության պրոցեդուրաները արտադրանքի մշակման որևէ փուլում չեն առաջարկում թեստավորում կենդանիների վրա՝ մեր արտադրանքի կամ բաղադրամասի անվտանգությունն ու արդյունավետությունը հաստատելու համար:
Ամեն դեպքում, ընկերությունը պարտավոր է պահպանել այն երկրների օրենսդրությունը, որտեղ ծավալում է իր գործունեությունը, ինչպես նաև այն երկրներինը, որտեղ շուկայում արտադրանքի գրանցման գործընթացն իրականացնելու համար պահանջում են թեստավորում կենդանիների վրա: Այս դեպքերում՝ առանց կենդանիների վրա թեստավորելու արտադրանքը գրանցելու համար մենք տրամադրում ենք ամբողջական տեղեկատվություն՝ համաձայն այդ երկրում ԵՄ դիրեկտիվի: Սա կոչված է բացառել կենդանիների վրա ցանկացած թեստավորման անհրաժեշտություն, և մենք գործադրում ենք մեր բոլոր ուժերը, որպեսզի համապատասխան մարմիններն ընդունեն մեր տվյալները: Բոլոր այն երկրներում, որտեղ տեղի օրենսդրության համաձայն դա անհնար է, ցավոք, մենք պարտավոր ենք տրամադրել մեր արտադրանքը՝ հավելյալ ստուգման համար, որը կարող է ներառել նաև թեստավորում կենդանիների վրա:
Օրիֆլեյմ ընկերությունը արտադրանքի թեստավորման այլընտրանքային մեթոդների կողմնակից է և կիրառում է թեստավորման in-vitro տարբերակը (կենդանի օրգանիզմից դուրս) բոլոր այն դեպքերում, երբ փորձարկումները կարող են վնաս հասցնել կամավորի առողջությանը (օրինակ՝ լինել աչքերի գրգռվածության առաջացման պատճառ):
«Եվրոպական կոսմետիկա» կոսմետիկայի արտադրանության Եվրոպական ֆեդերացիայի մեր ներկայացուցչության միջոցով մենք ակտիվորեն աշխատում ենք տեղի օրենքների փոփոխության ուղղությամբ՝ դրանք եվրոպական նորմերին առավելագույնս համապատասխանեցնելու համար: Այս երկրների շուկաներում ակտիվ դիրքորոշում զբաղեցնելուց հետո միայն մենք կարող ենք հույս ունենալ ազդելու կենդանիների վրա թեստավորում անցկացնելու քաղաքականության փոփոխման վրա: