Սիդնեյի Հարբոր կամուրջը իրար է կապում քաղաքի երկու խոշոր առևտրային կենտրոնները և ուղեցույց է ծառայում միլիոնավոր մարդկանց համար: Այն կենդանի օբյեկտ է, սուր զգացողությունների աղբյուր՝ զբոսաշրջիկների համար և միաժամանակ կարևոր տրանսպորտային հանգույց՝ սիդնեյցների համար:
Սիդնեյի նավահանգիստը ակտիվ կյանքով ապրող վայր է, որտեղ մարդիկ ավտոմեքենա են վարում, զբոսնում, թռչում, երթևեկում նավով ու գնացքով և պարզապես վայելում այդ հրաշալի տեսարանը հեռվից՝ ափամերձ տարածքից, ու հիանում ինժեներական մտքի այդ գոհարով:
Կամուրջի կամարի թռիչքը իր ամենաբարձր կետում ծովի մակերևույթից բարձր է 134 մետր: Երկարությունը 1150 մետր է կամ մոտավորապես մեկ մղոն: Կամրջի պողպատյա մասերը կշռում են 58 հազար տոննա, կամարը կառուցված է երկու մասից, որոնք իրար են միանում մեջտեղում: Սիդնեյի Հարբոր կամուրջը ինժեներական մտքի անհավանական թռիչք է, այն համաշխարհային խորհրդանիշներից մեկն է: