Սիդնեյ

Սիդնեյը Ավստրալիայի Նոր Հարավային Ուելս նահանգի մայրաքաղաքն է: Այն Ավստրալիայի ամենահին և ամենամեծ քաղաքն է, որի բնակչությունը հասնում է 4,6 միլիոնի: Այն ունի բազմաթիվ զբոսաշրջային վայրեր և մշակութային կենտրոններ:

Սիդնեյի ճարտարապետությունը կրել է մի շարք ոճերի ազդեցությունը: Նախաբնիկ աբորիգեն Էորա ցեղի փորագրությունները դեռևս տեսանելի են: Քաղաքում կարելի է տեսնել անգլիական, միջերկրածովյան ոճերի, ինչպես նաև Չինաստանից և Ասիայից եկող ազդեցությունների համադրությունները:

Քաղաքի նավահանգիստը բաժանում է այն երկու՝ հյուսիսային և հարավային մասերի, որոնք միանում են Սիդնեյի Հարբոր կամուրջով և թունելով: Զբոսաշրջային տեսարժան վայրերի մեծ մասը գտնվում է քաղաքի հարավային մասում, մինչդեռ հյուսիսում տեղակայված են գործարար և բնակելի թաղամասերը:

Քաղաքի հարավային մասը բաղկացած է Ռոքսից (անգլ. The Rocks), ավելի հյուսիս գտնվող Շրջանաձև ափամերձից (անգլ. Circular Quay «Սիրքյուլըր Քի») և Կենտրոնական կայարանից՝ հարավային մասի խորհրդանիշից: Դարլինգ նավահանգիստը խորհրդանշում է քաղաքի արևմտյան մասը, իսկ արևելքում գտնվում են մի քանի զբոսայգի:

Մարքեթ և Էլիզաբեթ փողոցների անկյունում դուք կգտնեք ամենահեղինակավոր խանութներից մեկը՝ «Դեյվիդ Ջոնսը»: Երբ այցելելիս լինեք այդ հոյակապ մոլը, չմոռանաք «Ֆուդ Գլորիուս Ֆուդ» ('Food Glorious Food') բաժնի մասին: Այստեղ կարող եք ընտրել մի որևէ համեղ համադամ ուտեստ, այնուհետև այցելեք Հայդ Փարկ զբոսայգի՝ պիկնիկի համար: Սիդնեյի կենտրոնական բիզնես թաղամասը շոփինգի սիրահարների համար ամենացանկալի վայրն է: Այստեղ ութ մեծ մանրածախ առևտրային կենտրոններում տեղակայված են ավելի քան 400 մասնագիտացված խանութներ: