ԴՐՈՒՅԹՆԵՐ ԵՎ ՊԱՅՄԱՆՆԵՐ

ԱՌՑԱՆՑ ՀԱՃԱԽՈՐԴՆԵՐԻ ԵՎ ՄԱՍՆԱԿԻՑՆԵՐԻ ՀԱՄԱՐ

Սույն դրույթները և պայմանները (այսուհետև՝ «Պայմաններ»), ինչպես նաև դրանցում նշված բոլոր փաստաթղթերը, երբ ընդունվում են Ձեր կողմից, կազմում են պարտադիր համաձայնագիր (այսուհետև՝ «Համաձայնագիր»)՝ Օրիֆլեյմ Քոսմեթիքս ՍՊԸ-ի, որը գտնվում է ՀՀ, ք. Երևան, Քաջազնունու փ. 20 իրավաբանական հասցեում, ՀՎՀՀ՝ 00076358  («Օրիֆլեյմ», «մենք», «մեզ», «մեր») և Ձեր («Դուք», «Հաճախորդ») միջև:

Պայմանները սահմանում են իրավաբանական դրույթներն ու պայմանները, որոնք կանոնագրքում են Ձեր կողմից Օրիֆլեյմի առևտրային հարթակի https://am.oriflame.com («Կայք») օգտագործումը՝ Ձեր կողմից Արտադրանքը գնելու համար Հայաստանի Հանրապետության տարածքում («Տարածք»), և փոխարինում են բոլոր նախկին համաձայնագրերը, հայտարարությունները կամ պարտավորությունները: Սույն Պայմանները մենք հրապարակել ենք մեր կայքում, որը հասանելի է Ձեզ, և հետևաբար, խորհուրդ ենք տալիս տպել կամ պահպանել Համաձայնագրի մասը հանդիսացող սույն Պայմանների և բոլոր այլ փաստաթղթերի պատճենները:

1.  ԻՐԱՎԱՍՈՒԹՅՈՒՆԸ

1.1.   Այն արտադրանքները, որոնք մենք վաճառում ենք Կայքում, նախատեսված չեն անչափահասների կողմից գնման համար: Մինչև 18 տարեկան անձիք կարող են դեպի Կայք մուտքի հնարավորություն ստանալ միայն ծնողի կամ օրինական խնամակալի հսկողությամբ և համաձայնությամբ:

1.2.  Դուք նաև հայտարարում և երաշխավորում եք, որ լիովին գործունակ և իրավասու եք կնքելու համաձայնագիրը սույն Պայմաններում շարադրված պայմաններով, դրույթներով, պարտավորություններով, հաստատումներով, հայտարարություններով և երաշխիքներով, ինչպես նաև պահպանել և կատարել սույն Պայմանները:

1.3.  Դուք հայտարարում և երաշխավորում եք, որ կարող եք վճարումներ կատարել կրեդիտային քարտով կամ Կայքում թույլատրված վճարման այլ եղանակով:

2.  ՁԵՐ ՀԱՇՎԱՌՄԱՆ ՀԱՇԻՎԸ

Եթե գրանցվել եք մեր կայքում («Մասնակիցներ»), ապա պատասխանատվություն եք կրում առնվազն 6 նիշ պարունակող հուսալի գաղտնաբառ ընտրելու, Ձեր հաշվառման հաշվի և գաղտնաբառի գաղտնիության պահպանման և դեպի Ձեր համակարգիչ կամ սարք մուտքը սահմանափակելու համար, և Դուք համաձայնում եք պատասխանատվություն ստանձնել Ձեր հաշվառման հաշվի կամ գաղտնաբառի օգտագործմամբ կատարվող բոլոր գործողությունների համար: Մենք իրավունք ենք վերապահում հրաժարվել սպասարկելուց, դադարեցնել հաշվառման հաշիվները, ջնջել կամ խմբագրել բովանդակությունը կամ չեղարկել պատվերները մեր հայեցողությամբ:

3.   ԱՐՏԱԴՐԱՆՔԸ

«Օրիֆլեյմի արտադրանքը» կամ «Արտադրանքը» նշանակում է կոսմետիկա և հարակից պարագաներ, ինչպես նաև որոշակի սննդամթերք և սննդակարգային հավելումներ, որոնք վաճառքի են առաջարկվում Օրիֆլեյմի ապրանքային նշաններով։ Կայքում նշված ամբողջ Արտադրանքը, գները, առաջարկները և ակցիաները վավեր են և պարտադիր են միայն նշված ժամանակահատվածի համար, կամ, եթե ժամկետը նշված չէ, Ձեր դիտման սեանսի ընթացքում: Կայքում ներկայացված արտադրանքներիմասին մանրամասն տեղեկատվությունը ներառում է Արտադրանքի հիմնական բնութագրերի նկարագրությունը:

Արտադրանքի պատկերները մեր կատալոգում կամ մեր կայքում ներկայացված են միայն պատկերային նպատակներով. Ձեզ առաքվող արտադրանքների ձևը, գույնը և չափը կարող են տարբերվել մեր կատալոգում կամ մեր կայքում ներկայացված նմուշներից, և նման տարբերությունները արտադրանքի թերություն չեն հանդիսանում:

4.  ՊԱՏՎԵՐԻ ՏԵՂԱԴՐՈՒՄ

4.1. Դուք կարող եք Կայքում պատվերներ տեղադրել՝ ընտրելով այն Արտադրանքը, որը ցանկանում եք գնել: Պատվերի տեղադրումը դիտարկվում է որպես Ձեր կողմից ընտրված Արտադրանքի գնման՝ մեզ ներկայացված առաջարկ:

4,2. Պատվերը համարվում է ձևակերպված, երբ կատարված են հետևյալ գործողությունները.

4.2.1 Դուք ընտրել եք այն Արտադրանքները, որը ցանկանում եք գնել՝ օգտագործելով «Ավելացնել զամբյուղի մեջ» տարբերակը. Դուք կարող եք ցանկացած պահի դիտել և փոփոխել Զամբյուղի պարունակությունը՝ փոխելով Արտադրանքների քանակը, ջնջելով Արտադրանքները կամ Զամբյուղի ամբողջ պարունակությունը.

4.2.2 Դուք հստակ ընդունել եք սույն Պայմանները.

4.2.3 Դուք տրամադրել եք անձնական տվյալներ, որոնք անհրաժեշտ են Ձեր պատվերի ընդունման, մշակման և կատարման համար, ներառյալ հաճախորդի հաշվառման Ձեր հաշվի կառավարումը. և

4.2.4 Դուք ընտրել եք Ձեր նախընտրելի առաքման և վճարման եղանակը:

4.3 Ձեր առցանց պատվերը տեղադրվելուց հետո այն հնարավոր չէ փոխել Կայքի միջոցով. Դուք պետք է կապվեք Հաճախորդների աջակցության ծառայության հետ հետևյալ հասցեով՝Customers_am@oriflame.com: Եթե ցանկանում եք չեղարկել Ձեր պատվերը, տեսեք 9-րդ կետը:

4,4. Երբ մենք ընդունենք Ձեր պատվերը, պատվերի հաստատումը Ձեզ կուղարկվի Ձեր տրամադրած էլ. փոստի հասցեով, որից հետո կսկսի գործել առուվաճառքի պայմանագիրը: Մենք կարող ենք հրաժարվել ընդունել Ձեր պատվերը՝ առանց մերժման պատճառը նշելու: Ընդ որում, մենք ամբողջությամբ կվերադարձնենք Ձեր կողմից արդեն կատարված ցանկացած վճարում:

4,5. Բացի պատվերի հաստատումից, դուք կստանաք Ձեզ ուղարկված Արտադրանքների մասին մանրամասն տեղեկատվություն և ամբողջ այլ անհրաժեշտ տեղեկատվությունը:

4.6. Եթե պատվիրում եք Համացանցի միջոցով, խնդրում ենք նկատի ունենալ հետևյալը.

4.6.1 սույն Պայմանները՝ Ձեր պատվերի հաստատման հետ միասին, կազմում են Ձեր և Օրիֆլեյմի միջև Արտադրանքների վաճառքի և գնման պայմանագիր (որը խորհուրդ ենք տալիս պահպանել կամ տպել). կամ որի մասին մենք կարող ենք ձեզ հաղորդել կապի այլ միջոցներով.

4.6.2 պայմանագիրը կարող է կնքվել միայն հայերենով և ոչ մի այլ լեզվով. և

4.6.3 Օրիֆլեյմն առաջնորդվում է Պայմանների 18.3 կետով սահմանված վարքագծի կանոններով:

4.7. Կատարված և վճարված պատվերները չեն կարող չեղարկվել Ձեր կողմից, բացառությամբ 8-րդ և 9-րդ կետերում նկարագրված դեպքերի:

4.8. Պատվերները կարող են տեղադրվել օրվա ընթացքում ցանկացած ժամանակ, բացառությամբ Կայքի տվյալների թարմացման ժամանակահատվածում անհասանելիության որոշ սահմանափակ դեպքերի:

4.9. Ոչ բոլոր Արտադրանքները հասանելի կլինեն ցանկացած պահի: Եթե պատվերը տեղադրելու պահին Արտադրնքն առկա չէ, մենք ողջամիտ ջանքեր կգործադրենք՝ Ձեզ այդ մասին ծանուցելու մինչև պատվերի ձևակերպման ավարտը, որպեսզի կարողանաք փոխել պատվերի կազմը կամ հրաժարվել պատվերից:

4.10 Կայքը երբեմն և սահմանափակ ժամանակով կարող է անհասանելի լինել տեխնիկական աշխատանքներիի անցկացման կամ տարբեր տեխնիկական պատճառներով: Օրիֆլեյմը պատասխանատվություն չի կրում նման անհասանելիության համար և մերժում է Հաճախորդների կամ կայքի այլ այցելուների կողմից դրա կապակցությամբ որևէ բողոք: Կայքում նկարագրված արտադրանքների և ծառայությունների հասանելիությունը, ինչպես նաև նման արտադրանքների և ծառայությունների նկարագրությունները կարող են տարբերվել՝ կախված գտնվելու վայրից և ժամանակից:

5. ԳՆԵՐԸ ԵՎ ՎՃԱՐՄԱՆ ԿԱՐԳԸ

5.1 Եթե այլ բան նշված չէ, Կայքում նշված Արտադրատեսակգները հանդիսանում են պատվերի տեղադրման պահին Արտադրատեսակամբողջական մանրածախ գինը: Բոլոր գները նշված են տեղական արժույթով՝ ներառյալ ԱԱՀ-ն:

5.2 Մենք իրավունք ենք վերապահում փոխել Գները ցանկացած պահի և մեր հայեցողությամբ, բայց Արտադրանքների Գների ցանկացած փոփոխություն, որոնք Դուք ընտրում եք նախքան պատվերը տեղադրելը, մեր միջև պայմանագրի մաս չի հանդիսանա, քանի դեռ այն մեր միջև հստակ համաձայնեցված չէ:

5.3 Գները չեն ներառում փոխադրման, առաքման և ցանկացած այլ գանձում և վճար, որոնք հստակորեն նշված են որպես վճարման գործընթացի ընթացքում գնին ավելացվող լրացուցիչ ծախսեր, և որոնք կարող են տարբերվել՝ կախված Ձեր կողմից ընտրած առաքման եղանակից:

5.4 Եթե հատուկ առաջարկի կուպոն ունեք և ակտիվացրել եք այն՝ նշելով կոդը, ինչպես նշված է Կայքում, ապա մենք դրա արժեքը կհանենք Արտադրանքի գնից։

5.5 Վճարումները կարող են կատարվել բանկային քարտերով կամ սույն Պայմաններում նշված այլ եղանակներով: Վճարման համար ընդունվում է հիմնական վճարային բանկային քարտերի մեծ մասը:

5.6 Վճարումների հավաքագրման նպատակով մենք իրավունք ենք վերապահում համագործակցել երրորդ կողմի ծառայություններ մատուցողների հետ: Այդ կապակցությամբ Դուք կարող եք ստանալ ներկայացված հաշիվնրը և վճարման մասին հաղորդագրություններն այդ երրորդ կողմի ծառայություններ մատուցողից: Որպես կանոն, բոլոր հաշիվները պետք է վճարվեն մինչև հաշվում նշված ժամկետը: Վճարումների կետանցի համար կարող են տոկոսներ գանձվել օրական կտրվածքով՝ Կենտրոնական բանկի գործող տոկոսադրույքով, ինչպես նաև պարտքերի հավաքագրման համար ծախսերի դիմաց ողջամիտ վճարներ՝ համաձայն գործող Քաղաքականության:

5.7 Բանկային քարտերով կատարվող առցանց վճարումների անվտանգության նկատառումներով բոլոր վճարային տեղեկատվությունը ծածկագրվում է: Քանի որ Օրիֆլեյմն աշխատում է վճարային ծառայությունների լիազորված մատակարարների հետ, կրեդիտային քարտերի մասին տեղեկատվությունը մշակվում է պատշաճ կերպով և վճարային քարտերի ոլորտի տվյալների անվտանգության միջազգային ստանդարտներին համապատասխան:

5.8 Եթե մենք քարտով վճարումները կրկնելու հնարավորություն ենք տրամադրում, ապա Դուք հնարավորություն կունենաք հստակ ընտրել և բաժանորդագրվել վճարման այս հարմար եղանակին: Ցանկացած հետագա վճարում կթույլատրվի կատարել Ձեր վճարային քարտով պատվերի տեղադրման պահին, իսկ գումարը կգանձվի Ձեր վճարային քարտից պատվիրված Արտադրանքը Օրիֆլեյմի կողմից առաքման պահին: Դուք կարող եք ցանկացած պահի հրաժարվել պարբերաբար կատարվող վճարումներից՝ անցնելով Ձեր պրոֆիլի էջ և սեղմելով «Վճարային քարտ» (payment card) ներդիրը:

5.9 Դուք համաձայնում եք ստանալ էլեկտրոնային հաշիվներ:

6. ԱՌԱՔՈՒՄԸ ԵՎ ՌԻՍԿԻ ՓՈԽԱՆՑՈՒՄԸ

6.1 Պատվիրված Արտադրանքը կարող է առաքվել միայն նշված Տարածքի սահմաններում։

6.2 Արտադրանքի առաքման վայրը Ձեր կողմից նշված կլինի պատվերի մեջ։ Մեծ քաշ ունեցող ծանրոցների դեպքում լոգիստիկ ընկերությունը էլեկտրոնային փոստով կամ տեքստային հաղորդագրությամբ կհայտնի ձեզ առաքման կետի հասցեն, որտեղ կկատարվի առաքումը։

6.3 Մենք կմշակենք և կառաքենք Ձեր պատվերը որքան հնարավոր է շուտ, բայց ոչ ուշ, քան 30 օր անց՝ մեր կողմից պատվերը հաստատելուց հետո: Մենք պատասխանատվություն չենք կրում առաքման՝ մեր վերահսկողությունից դուրս հանգամանքների հետևանքով առաջացած հետաձգումների համար:

6.4 Արտադրանքի կորստի ռիսկը և Արտադրանքի նկատմամբ սեփականության իրավունքը Արտադրանքն առաքելուց հետո անցնում են ձեզ։

6.5 Օրիֆլեյմը պատասխանատվություն չի կրում Ձեր կողմից սխալ կամ թերի տեղեկությունների տրամադրման հետևանքով պատվերի չառաքման, սխալի կամ ուշացման համար:

6.6 Մենք իրավունք ենք վերապահում միակողմանիորեն չեղարկել Ձեր կողմից տեղադրված պատվերը ցանկացած պահի, եթե հիմնավոր կասկած ունենք, որ Դուք խախտում եք Պայմաններից որևէ մեկը:

7. ՄԵՐ ԱՐՏԱԴՐԱՆՔԻ ՀԱՄԱՊԱՏԱՍԽԱՆՈՒԹՅՈՒՆԸ

Մենք երաշխավորում ենք, որ Օրիֆլեյմի կոսմետիկ արտադրանքը արտադրված է EN ISO 22716:2007-ի Կոսմետիկ արտադրանքի և ապրանքների արտադրության մեջ պատշաճ արտադրական պրակտիկայի ուղեցույցին և Օրիֆլեյմի մասնագիտական էթիկայի կանոններին համապատասխան:

8.  ՊԱՏՎԵՐՆԵՐԸ ՉԵՂԱՐԿԵԼՈՒ ԻՐԱՎՈՒՆՔԸ

8.1. Մենք խստորեն պահպանում ենք Արտադրանքի վերադարձի՝ Տարածքում գործող կանոնները (լրացուցիչ տեղեկատվության համար տես կետ 9):

8.2. Ցանկացած պատվեր չեղարկելու և Արտադրանքը վերադարձնելու Ձեր իրավունքը չխախտելով՝ ծանրոցը ստանալիս Դուք պետք է ստուգեք դրա պարունակությունը՝ համոզվելու, որ դրա մեջ չկան Արտադրանքներ, որոնք կարող էին վնասվել փոխադրման ընթացքում։ Դուք կամ Ձեր անվամբ Արտադրանքներ ստացող անձը պետք է անհապաղ ծանուցեք Հաճախորդների աջակցության ծառայությանը` ներկայացնելով վնասի/թերության նկարագրությամբ բողոք: Դուք կարող եք ուղարկել բողոքը նաև էլեկտրոնային փոստով հետևյալ հասցեով՝ Customers_am@oriflame.com

9. ՎԵՐԱԴԱՐՁՆԵԼՈՒ ԵՎ ՓՈԽՀԱՏՈՒՑԵԼՈՒ ԻՐԱՎՈՒՆՔՆԵՐԸ

9.1 Դուք կարող եք առանց պատճառը նշելու չեղարկել Արտադրա նք(ներ)ի պատվերը՝ ստորև 9.2 կետում նշված ժամկետում: Դա նշանակում է, որ համապատասխան ժամանակահատվածում, եթե փոխեք Ձեր միտքը կամ որևէ այլ պատճառով որոշեք, որ չեք ցանկանում Ձեզ թողնել պատվիրված Արտադրանքը, Դուք կարող եք մեզ տեղեկացնել պատվերը չեղարկելու Ձեր որոշման մասին և ստանալ ծախսերի փոխհատուցում:

9.2 Դուք կարող եք ցանկացած պահի չեղարկել Ձեր պատվերը, նույնիսկ էլեկտրոնային փոստով պատվերի հաստատումը ստանալուց հետո, բայց ոչ ուշ, քան 14  օրացուցային օր՝ Արտադրանքը կամ, եթե պատվիրել եք մի քանիսը, Արտադրանքներից վերջինը ստանալու օրվանից:

9.3 Պատվերը չեղարկելու համար խնդրում ենք կապ հաստատել Հաճախորդների աջակցության ծառայության հետ՝ Customers_am@oriflame.com էլեկտրոնային փոստով կամ փոստով՝ «Օրիֆլեյմ Քոսմեթիքս» ՍՊ ընկերության հասցեով՝ք. Երևան, Քաջազնունու փ. 20: Դուք կարող եք օգտվել տիպային ձևանմուշից՝ Ձեր պատվերի չեղարկման մասին մեզ տեղեկացնելու համար: Եթե լրացնեք այս Ձևը առցանց և ներկայացնեք այն մեր կայքի միջոցով, ապա մենք անհապաղ Ձեզ կուղարկենք Ձեր պատվերի չեղարկումը ստանալու մասին հաստատումը՝ տեղեկատվության հարատև կրիչի վրա (օրինակ՝ էլ. փոստով): Հնարավոր է, որ ցանկանաք հաշվետվության նպատակներով պահպանել պատվերի չեղարկման մասին ծանուցագրի պատճենը: Ձեզ պարզապես անհրաժեշտ է օգտվել պատվերը չեղարկելու Ձեր իրավունքից մինչև պատվերի չեղարկման վերջնաժամկետը: Այսպիսով, եթե մեզ ուղարկել եք պատվերի չեղարկման մասին ծանուցումը էլեկտրոնային փոստով կամ փոստով, ապա Ձեր չեղարկումը ուժի մեջ է մտնում այն օրվանից, երբ մեզ ուղարկել եք էլեկտրոնային նամակ կամ փոստով նամակ:

9.4 Դուք կստանաք Արտադրանքների համար վճարած գնի փոխհատուցումն ամբողջությամբ՝ ներառյալ Ձեր կողմից վճարած առաքման ցանկացած կիրառելի ծախսերը (բացառությամբ լրացուցիչ ծախսերի, որոնք առաջանում են, եթե Դուք ընտրել եք առաքման այնպիսի տեսակ, որը տարբերվում է մեր կողմից առաջարկվող ստանդարտ առաքման բյուջետային տեսակից): Մենք կարող ենք հանել ցանկացած առաքված Արտադրանքի արժեքի կորստի համար փոխհատուցման գումարից, եթե այդպիսի կորուստը Ձեր կողմից դրանց նկատմամբ ոչ պատշաճ վերաբերմունքի արդյունք է հանդիսանում: Դուք պատասխանատվություն եք կրում միայն Արտադրանքի արժեքի ցանկացած նվազման համար, որն առաջացել է դրա հետ վարվելու հետևանքով, բացի այդ, որն անհրաժեշտ է Արտադրանքի բնույթը, բնութագրերը և գործառնությունը հաստատելու համար: Մենք կմշակենք Ձեզ հասանելիք փոխհատուցումը որքան հնարավոր է շուտ, բայց, ամեն դեպքում, (a) 14 օրացուցային օրվա ընթացքում այն ամսաթվից հետո, երբ մենք Ձեզանից հետ կստանանք Արտադրանքները, կամ (b) (եթե ավելի վաղ) 14 օրացուցային օրվա ընթացքում այն ամսաթվից հետո, երբ ապացույցներ կներկայացնեք, որ վերադարձրել եք Արտադրանքները, կամ (c) եթե Արտադրանքները չեն առաքվել 14 օրացուցային օրվա ընթացքում այն ամսաթվից հետո, երբ Դուք մեզ տեղեկացրել եք պատվերի չեղարկման մասին, ինչպես նկարագրված է 9.3 կետում՝ հաշվի առնելով 9.8 կետի դրույթները: Եթե Արտադրանքները վերադարձրել եք մեզ՝ դրանցում հայտնաբերված թերության կամ սխալ նկարագրության պատճառով, տեսեք 9.5 կետը:

9.5 Եթե Արտադրանքները վերադարձրել եք մեզ՝ դրանցում հայտնաբերված թերության կամ սխալ նկարագրության պատճառով, ապա մենք ամբողջությամբ կփոխհատուցենք թերի Արտադրանքի արժեքը, առաքման ցանկացած ծախս և Արտադրանքի վերադարձի համար Ձեր կողմից կատարված ցանկացած ողջամիտ ծախս։

9.6 Մենք կարող ենք վերադարձնել գումարը Ձեր վարկային քարտին, դեբետային քարտին կամ այլ միջոցին, որը Դուք օգտագործել եք վճարելու համար, եթե ուղղակիորեն այլ բանի մասին չեք պայմանավորվել. ամեն դեպքում, վերադարձի հետ կապված ձեզանից որևէ գանձման վճարում չի նախատեսվում:

9.7 Խնդրում ենք նկատի ունենալ, որ որոշ արտադրանքներ մատակարարվում են փակ փաթեթավորմամբ՝ սանիտարական կամ հիգիենիկ պատճառներով, և դուք չեք կարող չեղարկել ձեր պատվերը և վերադարձնել այդ արտադրանքները, եթե ձեզ առաքվելուց հետո խախտվել է դրանց գործարանային փաթեթավորումը: Այդ արտադրանքները համապատասխան պիտակավորում ունեն Կայքում:

9.8 Եթե Արտադրանքները առաքվել են ձեզ.

9.8.1 Դուք պետք է առանց ուշացման վերադարձնեք մեզ Արտադրանքները և, ամեն դեպքում, ոչ ուշ, քան 14 օրացուցային օրվա ընթացքում՝ պատվերի/պայմանագրի չեղարկման օրվանից հետո: Վերջնաժամկետը կպահպանվի, եթե Արտադրանքները ետ ուղարկեք մինչև 14-օրյա ժամկետի ավարտը.

9.8.2 եթե չեն հայտնաբերվել Արտադրանքի թերություններ և դրա սխալ նկարագրությունը (այդ դեպքում տեսեք 9.5 կետը), Դուք պատասխանատվություն եք կրելու Արտադրանքները մեզ հետ վերադարձնելու ուղղակի ծախսերի համար. և

9.8.3 Դուք իրավական պարտավորություն ունեք՝ պահպանելու Արտադրանքները Ձեր մոտ և պատշաճ կերպով հոգ տանելու Արտադրանքների պահպանման մասին, քանի դեռ դրանք գտնվում են Ձեր տիրապետության տակ։

9.9 Չեղարկելու Ձեր օրինական իրավունքի մասին մանրամասն տեղեկատվությունը և դրանից օգտվելու բացատրությունը, ներառյալ վերադարձի առաջարկվող ձևը, պարունակվում են 4.5 կետում շարադրված փաստաթղթերում: Վերադարձի ձևը կարող եք նաև ներբեռնել այս հղումով։

9.10 Օրենքով մենք պարտավոր ենք մատակարարել պայմանագրի պայմաններին համապատասխան Արտադրանք։ Որպես գնորդ՝ Դուք միշտ կունենաք օրինական իրավունքներ ցանկացած Արտադրանի նկատմամբ, որում թերություններ են հայտնաբերվել կամ որը չի համապատասխանում նկարագրությանը: Այդ օրինական իրավունքների վրա չեն տարածվում 9.5 կետում կամ սույն Պայմաններում շարադրված վերադարձի քաղաքականության դրույթները: Տարածքում Ձեր օրինական իրավունքների վերաբերյալ խորհրդատվություն կարելի է ստանալ «Սպառողների խորհրդատվության կենտրոն» հասարակական կազմակերպությունից:

9.11 Մենք նաև երաշխավորում ենք «Օրիֆլեյմ» ապրանքանիշի ցանկացած Արտադրանքի որակը և հաստատում ենք, որ այն արտադրվել է մեր կողմից կամ մեզ համար ու համապատասխանում է որակի ամենաբարձր ստանդարտներին: Մենք համոզված ենք, որ մեր Հաճախորդները մեր Արտադրանքը բոլոր առումներով բավարար կհամարեն: Ուստի մենք առաջարկում ենք Օրիֆլեյմի լրացուցիչ երաշխիք, որը թույլ է տալիս Ձեզ փոխանակել կամ ամբողջությամբ վերադարձնել վճարված գումարը ցանկացած Արտադրանքի համար, որից Դուք դժգոհ եք։ Դրամական միջոցների վերադարձը պետք է կատարվի Արտադրանքի ստացման պահից 30 օրվա ընթացքում։ Տվյալ երաշխիքը չի տարածվում որևէ Արտադրանքի վրա, որը դիտավորյալ վնասվել կամ օգտագործվել է ոչ ճիշտ նպատակով: Եթե այլ բան նշված չէ, ապա վերադարձն ու փոխհատուցումը՝ սույն կետի համաձայն, իրականացվում են սույն 9-րդ կետի նախորդ ենթակետերի պայմաններին համապատասխան: Տվյալ երաշխիքը չի ազդում ձեր օրինական իրավունքների վրա:

10.  ԱՆՁՆԱԿԱՆ ՏՎՅԱԼՆԵՐԸ ԵՎ ԳԱՂՏՆԻՈՒԹՅՈՒՆԸ

10.1. Եթե Կայքում տեղեկատվություն եք տրամադրում, ապա համաձայնվում եք ըստ պահանջի տրամադրել ճշգրիտ, արդիական և ամբողջական տեղեկատվություն Ձեր մասին և համաձայնում եք թարմացնել այդպիսի տեղեկատվությունը ըստ անհրաժեշտության (այսուհետև՝ «Անձնական տվյալներ»): Մենք կօգտագործենք և կպահպանենք Անձնական տվյալները, որոնք հավաքում ենք Կայքի միջոցով, գործող օրենսդրությանը համապատասխան և «Օրիֆլեյմի գաղտնիության մասին ծանուցագրի» համաձայն:

10.2 Դուք կարող եք այլ անձանց հրավիրել «Օրիֆլեյմի Բյութի հանրություն, և երբ նրանք միանան (որպես Մասնակիցներ կամ որպես Բրենդ-գործընկերներ), Դուք, որպես տվյալների կառավարում իրականացնող անկախ անձ, դրանց Անձնական տվյալներ մուտքի հնարավորություն կունենաք՝ Ձեր և նրանց Բյութի

հանրության անդամակցության հետ կապված նպատակների համար, կամ՝ նրանց համաձայնութամբ, էլեկտրոնային մարքեթինգի նպատակների համար: Որպես այդպիսի Անձնական տվյալների կառավարումն իրականացնող անկախ անձ.

10.2.1 Դուք երաշխավորում և համաձայնում եք, որ կպահպանեք անձնական տվյալների պաշտպանության և գաղտնիության մասին բոլոր գործող օրենքները.

10.2 Մասնավորապես, դուք համապատասխան տեխնիկական և կազմակերպչական անվտանգության միջոցներ եք ձեռնարկելու՝ անձնական տվյալները պատահական կամ անօրինական ոչնչացումից կամ պատահական կորստից, փոփոխությունից, չարտոնված բացահայտումից կամ հասանելիությունից, մասնավորապես, երբ մշակումը ներառում է տվյալների փոխանցում ցանցի միջոցով, և մշակման այլ ապօրինի ձևերից պաշտպանելու համար: Հաշվի առնելով դրանց իրականացման տեխնիկական մակարդակը և արժեքը՝ այդ միջոցները պետք է ապահովեն անվտանգության այնպիսի մակարդակ, որը համապատասխանում է մշակման հետ կապված ռիսկերին և պաշտպանվող անձնական տեղեկատվության բնույթին:

10.2.3 Դուք պետք է անհապաղ տեղեկացնեք Օրիֆլեյմին անվտանգության ցանկացած խախտման մասին, որը հանգեցրել է Անձնական տվյալների պատահական կամ անօրինական ոչնչացման, կորստի, փոփոխության, չարտոնված բացահայտման կամ մուտքի դեպի դրանք, նամակ ուղարկելով Օրիֆլեյմին privacy@oriflame.com հասցեով և բացատրելով միջադեպի բնույթը և դրա հետ առընչվող տվյալները.

10.2.4 Եթե ցանկացած պահի հարցում ստանաք՝ անձի Ձեր կողմից մշակվող Անձնական տվյալների՝ օրենսդրության համաձայն պաշտպանության իրավունքներ իրականացնելու, ապա Դուք պետք է կատարեք այդպիսի հարցումը գործող օրենսդրությամբ պահանջվող չափով և Օրիֆլեյմի քաղաքականությանը, ընթացակարգերին կամ ժամանակ առ ժամանակ Ձեզ տրամադրվող ուսուցմանը համապատասխան:

10.2.5 Դուք կարող եք մշակել Անձնական տվյալները միայն գաղտնիության ծանուցագրի համաձայն, որը տրամադրվում է Մասնակիցներին և/կամ Օրիֆլեյմի Բրենդ-գործընկերներին: Օրիֆլեյմի հետ Ձեր հարաբերությունները դադարեցնելուց հետո Դուք երաշխավորում և համաձայնում եք, որ կոչնչացնեք Ձեր տիրապետման կամ վերահսկման տակ գտնվող բոլոր Անձնական տվյալները՝ առանց անհարկի ուշացման:

10.3 Մենք կտրականապես հրաժարվում ենք ցանկացած պատասխանատվությունից՝ ցանկացած տուգանքի, ծախսի, վճարի և ընդհանրապես ցանկացած ծախքի համար, որը Դուք կարող եք կրել տվյալների պաշտպանության և գաղտնիության մասին կիրառելի օրենքների խախտման հետևանքով:

 

11. ՄԱՍՆԱԿԻՑՆԵՐ

11.1. Դուք կարող եք գրանցվել որպես Մասնակից՝ հաշվառման հաշիվ ստեղծելով Օրիֆլեյմի կայքում։ Որպես Մասնակից Դուք իրավունք կունենաք ստանալու միայն առավելություններ՝ նախատեսված Մասնակցի պարգևատրության ծրագրով [հղում]: Մասնակիցները, որպես մանրածախ հաճախորդներ իրավունք չունեն մասնակցելու որևէ փոխհատուցման պլանի, որը նախատեսված է բացառապես Օրիֆլեյմի Բրենդ-գործընկերների համար, և, հետևաբար, Դուք չեք կարող վաճառել մեր բիզնես հնարավորությունները կամ որևէ օգուտ բացառապես Օրիֆլեյմի Բրենդ-գործընկերների համար:

11.2 Օրիֆլեյմը որևէ երաշխիք չի տալիս Մասնակիցների  որևէ ծրագրի հասանելիության կամ անխափան աշխատանքի համար, ինչպես նաև այն բանի համար, որ դրանք Մասնակիցների եկամուտը կհասցնեն որևէ որոշակի մակարդակի կամ կհանգեցնեն փոխհատուցման այլ վճարների: Օրիֆլեյմն իրեն իրավունք է վերապահում թարմացնելու և փոփոխելու Մասնակիցների ցանկացած ծրագիր, այդ թվում՝ ջնջել, կասեցնել կամ փոփոխել ցանկացած փոխհատուցման վճար կամ ցանկացած ծրագիր կամ ավելացնել փոխհատուցման նոր վճարներ կամ նոր ծրագրեր ցանկացած պահի և իր հայեցողությամբ: Մասնակիցների ծրագրի ցանկացած վերանայում, փոփոխություն կամ լրացում կհրապարակվի մեր կայքում և/կամ պատշաճ կերպով կհաղորդվի Ձեզ Ձեր գրանցված էլեկտրոնային հասցեով և ուժի մեջ կմտնի նման հրապարակման/ծանուցման մեջ նշված օրվանից, բայց ոչ պակաս, քան 30 օր անց: Դուք պատասխանատվություն եք կրում նման փոփոխությունների մասին տեղյակ լինելու համար: «Հանրության Մասնակցի պարգևատրության ծրագրում» և Մասնակիցների ցանկացած այլ ծրագրում ցանկացած նման փոփոխություն պետք է ընդունվի Ձեր կողմից որպես գրանցված Մասնակից Ձեր գործունեությունը շարունակելու պայման, ներառյալ կայքի հետագա օգտագործումը և դրա միջոցով Արտադրանքներ պատվիրելը: Մենք կարող ենք պահանջել Ձեր հստակ համաձայնությունը, հակառակ դեպքում կհամարենք, որ Դուք ընդունել եք փոփոխությունները, եթե փոփոխությունները կատարելուց հետո շարունակեք պատվիրել Արտադրանքը:

11.3 Դուք զգուշացված եք, որ Բրենդ-գործընկերները և Մասնակիցները անկախ կապալառուներ են, չեն հանդիսանում Օրիֆլեյմի աշխատակիցներ, գործակալներ կամ ներկայացուցիչներ և ոչ մի կերպ իրավասու չեն գործելու մեր անունից: Ցանկացած այլ Մասնակիցներ կամ Ձեր կողմից ներգրավված Հաճախորդներ կգնեն Օրիֆլեյմի արտադրանքը Օրիֆլեյմի  կողմից հրապարակված գներով. նրանք ինքնուրույն կընտրեն արտադրանքը և կկատարեն իրենց պատվերները ուղղակիորեն և ոչ թե Ձեր միջոցով: Դուք իրավասու չեք բանակցել կամ միջնորդ լինել Օրիֆլեյմիև Ձեր կողմից ներգրավված Մասնակիցների կամ Հաճախորդների միջև պայմանագրեր կնքելիս: Դուք նաև իրավասու չեք գնել, վաճառել կամ որևէ համաձայնագիր կնքել՝ մեր անվամբ կամ մեր անունից կամ որևէ այլ ընկերության անվամբ և անունից, որը մտնում է Օրիֆլեյմ Ընկերությունների խմբի մեջ: Դուք ընդունում և համաձայնում եք, որ Տարածքի գործող օրենսդրության իմաստով «վաճառքի գործակալ» չեք հանդիսանում և իրավունք չունեք ստանալ որևէ փոխհատուցում կամ հատուցում Օրիֆլեյմի հետ հարաբերությունների դադարեցման դեպքում:

11.4 Բրենդ-գործընկերները պարտավոր են պահպանել մեր Էթիկայի կանոնագիրքը և Վարքագծի կանոնները: Մենք կոչ ենք անում Ձեզ տեղեկացնել մեր աջակցության ծառայության անձնակազմին Բրենդ-գործընկերոջ կողմից ցանկացած անազնիվ, ագրեսիվ կամ այլ անպատշաճ վարքագծի մասին: Լինելով Մասնակից՝ Դուք պետք է պահպանեք գործող Էթիկայի կանոնագրքի կիրառելի նորմերը և Բրենդ-գործընկերների վարքագծի կանոնները՝ Օրիֆլեյմին որևէ Մասնակից կամ Հաճախորդ ներգրավելիս:

11.5 Դուք միշտ կարող եք գրանցվել որպես Օրիֆլեյմի Բրենդ- գործընկեր: Որպես Օրիֆլեյմի Բրենդ-գործընկեր գրանցվելուց հետո Ձեր գրանցումը որպես Մասնակից ինքնաբերաբար կավարտվի: Բրենդ-գործընկերների և Մասնակիցների՝ անդամակցության բարձրացման և իջեցման կանոնների մասին լրացուցիչ տեղեկատվությունը ներառված է համապատասխան Քաղաքականության մեջ:

12. ԱՊՐԱՆՔԱՅԻՆ ՆՇԱՆՆԵՐԸ ԵՎ ՀԵՂԻՆԱԿԱՅԻՆ ԻՐԱՎՈՒՆՔԸ

12.1 Օրիֆլեյմ անվանումը, մեր պատկերանշանը և մեր կողմից արտադրվող, վաճառվող, իրացվող կամ տարածվող Արտադրանքներիի կամ Տեսականու արտադրանքների անվանումները Օրիֆլեյմ Ընկերությունների խմբի ապրանքանիշերն են: Կայքում օգտագործվող բոլոր այլ ապրանքային նշանները, սպասարկման նշանները և պատկերանշանները հանդիսանում են այն համապատասխան սեփականատերերի ապրանքանիշեր, սպասարկման նշաններ կամ պատկերանշաններ, որոնք կարող են լինել կամ չլինել Օրիֆլեյմին կապակցված անձիք, կապված լինել Օրիֆլեյմի հետ կամ հովանավորվել Օրիֆլեյմի կողմից: Կայքում ներկայացված ցանկացած նշանների ցանկացած օգտագործում և/կամ պատճենում պահանջում է դրանց համապատասխան սեփականատիրոջ նախնական հստակ համաձայնությունը:

12.2 Կայքում ներառված կամ դրա միջոցով հասանելի ամբողջ բովանդակությունը, ներառյալ, բայց չսահմանափակվելով դրանցով, ծրագրային ապահովումը կամ թվային ծածկագիրը, սկրիպտերը, տեքստը, գրաֆիկակական պատկերները, լուսանկարները, գրաֆիկան, պատկերանշանները, կոճակների պատկերակները, անշարժ կամ շարժվող պատկերները, տեսահոլովակները և ձայնային հոլովակները և տվյալների կոմպիլացիաները (այսուհետև՝ «Բովանդակություն»), հանդիսանում է Օրիֆլեյմի, դրա Բովանդակության մատակարարների կամ այլ համապատասխան սեփականատերերի սեփականությունը, որոնք կարող են լինել կամ չլինել Օրիֆլեյմին կապակցված անձիք, կապված լինել դրա հետ կամ հովանավորվել դրա կողմից: Մեզ չպատկանող բովանդակությունը պատշաճ կերպով լիցենզավորվել է մեզ այդ սեփականատերերի կողմից և պաշտպանված է չթույլատրված օգտագործումից, պատճենումից և տարածումից հեղինակային իրավունքով, ապրանքանիշով, գովազդով և այլ օրենքներով, ինչպես նաև միջազգային համաձայնագրերով:

12.3 Մեր կողմից հստակ գրավոր թույլտվության բացակայության դեպքում Դուք չպետք է գրավեք, վերարտադրեք, կատարեք, փոխանցեք, վաճառեք, լիցենզավորեք, փոփոխեք, դրա հիման վրա ստեղծեք ածանցյալ ստեղծագործություններ, վերափոխեք, վերբեռնեք, խմբագրեք, տեղադրեք, փոխանցեք, հրապարակայնորեն ցուցադրեք, խմբավորեք, հղում կատարեք, տարածեք կամ օգտագործեք ամբողջությամբ կամ մասամբ ցանկացած Բովանդակություն: Սույն Պայմաններում կամ Կայքում պարունակվող ոչինչ չպետք է մեկնաբանվի որպես ցանկացած Բովանդակություն օգտագործելու լիցենզիայի կամ իրավունքի անուղղակի կամ այլ կերպ ցանկացած եղանակով տրամադրում՝ առանց մեր կամ որևէ երրորդ կողմի նախնական գրավոր համաձայնության, որին կարող է պատկանել Կայքում ներկայացված Բովանդակությունը կամ մտավոր սեփականությունը:

12.4 Կայքը պաշտպանված է հեղինակային իրավունքով: Կայքի Բովանդակության վերարտադրումը, պատճենումը, վաճառքը, վերավաճառքը կամ առևտուրը խստիվ արգելվում է:

12.5 Բովանդակության ցանկացած օգտագործում, բացի սույն Պայմաններով թույլատրվածից, Պայմանների խախտում է և կարող է հանդիսանալ հեղինակային իրավունքների և/կամ արդյունաբերական նմուշի և/կամ արտոնագրերի իրավունքների խախտում: Դուք համաձայնում եք չօգտագործել Բովանդակությունը որևէ անօրինական նպատակով և չխախտել մեր իրավունքները կամ այլ անձանց իրավունքները: Դուք համաձայնում եք չմիջամտել (կամ թույլ տալ երրորդ կողմին օգտագործել Ձեր գրանցումը միջամտության համար) այլ կողմերի կողմից Կայքի բնականոն գործընթացներին կամ օգտագործմանը, ներառյալ, առանց սահմանափակման, Կայքի՝ ադմինիստրատորի իրավունքներով բաժիններ մուտք գործելու փորձերը:

13. ԴԱԴԱՐԵՑՈՒՄԸ; ՓՈՓՈԽՈՒԹՅՈՒՆԸ

13.1 Մենք մեր հայեցողությամբ ցանկացած պահի որոշում ենք, թե արդյոք Դուք պահպանում եք սույն Պայմանները: Պայմանների ցանկացած խախտում կարող է հանգեցնել Ձեր մուտքի և Կայքը ամբողջությամբ կամ մասամբ օգտագործելու սահմանափակման:

13.2 Եթե մենք չենք պնդում, որ Դուք սույն Պայմաններով որևէ պարտավորություն կատարեք, կամ եթե մենք չենք ապահովում Ձեր նկատմամբ մեր իրավունքների պահպանումը, կամ եթե մենք ուշացնում ենք այդ պարտավորությունների կատարումը, դա չի նշանակում, որ մենք հրաժարվել ենք Ձեր նկատմամբ մեր իրավունքներից և չի նշանակում, որ Դուք չպետք է կատարեք Ձեր պարտավորությունները։ Եթե մենք համաձայնում ենք Ձեր պարտավորոթյունները Ձեր կողմից չկատարելու հետ, մենք դա անում ենք միայն գրավոր, և դա չի նշանակում, որ մենք ավտոմատ կերպով համաձայնում ենք Ձեր կողմից որևէ հետագա չկատարման հետ:

13.3 Մենք իրավունք ենք վերապահում փոխել կամ դադարեցնել այս Կայքի կամ դրա որևէ մասի աշխատանքը՝ առանց Ձեզ կամ որևէ երրորդ կողմի ծանուցելու:

14. ՍԽԱԼՆԵՐ ԵՎ ՈՒՂՂՈՒՄՆԵՐ

Մենք կարող ենք հղումներ տրամադրել երրորդ կողմի կայքերին կամ ռեսուրսներին: Մեր կողմից նման հղումների տրամադրումը չի հանդիսանում նման հղումով հասանելի որևէ տեղեկատվության, Արտադրանքի կամ ծառայության հաստատում: Մենք պատասխանատվություն չենք կրում Համացանցի որևէ մասի, ներառյալ այլ կայքերի բովանդակության կամ գործունեության համար, որոնց այդ Կայքը կարող է հղում կատարել կամ որոնք կարող են հասանելի լինել այդ Կայքի միջոցով: Խնդրում ենք տեղեկացնել մեզ ցանկացած սխալի կամ անպատշաճ նյութի մասին, որոնք հայտնաբերվել են այն կայքերում, որոնցում հղում է կատարում տվյալ Կայքին

15. ՀՂՈՒՄՆԵՐ

Մենք կարող ենք հղումներ տրամադրել երրորդ կողմի կայքերին կամ ռեսուրսներին: Մեր կողմից նման հղումների տրամադրումը չի հանդիսանում նման հղումով հասանելի որևէ տեղեկատվության, Արտադրանքի կամ ծառայության հաստատում: Մենք պատասխանատվություն չենք կրում Համացանցի որևէ մասի, ներառյալ այլ կայքերի բովանդակության կամ գործունեության համար, որոնց այդ Կայքը կարող է հղում կատարել կամ որոնք կարող են հասանելի լինել այդ Կայքի միջոցով: Խնդրում ենք տեղեկացնել մեզ ցանկացած սխալի կամ անպատշաճ նյութի մասին, որոնք հայտնաբերվել են այն կայքերում, որոնցում հղում է կատարում տվյալ Կայքին:

 

16. ԲՈՂՈՔՆԵՐԻ ՔՆՆԱՐԿՄԱՆ ԵՎ ՎԵՃԵՐԻ ԼՈՒԾՄԱՆ ԿԱՐԳԸ

16.1 Դուք միշտ կարող եք ցանկացած բողոք, հարց ներկայացնել կամ հարցում ուղարկել Օրիֆլեյմի Հաճախորդների աջակցության ծառայությանը Customers_am@oriflame.comհասցեով կամ զանգահարել մեզ +374 60 700100 հեռախոսահամարով:

16.2. Առանց մեր փոխադարձ իրավունքին վնասելու՝ դիմել դատարան ցանկացած հարցով, որը որևէ կերպ կապված է Ձեր կողմից Կայքի կամ Արտադրանքի օգտագործման հետ, որը Դուք գնել եք մեզանից, մենք ամեն ինչ կանենք, որպեսզի ցանկացած նման վեճ լուծվի բանակցությունների միջոցով՝ փոխադարձ ընդունելի լուծման հասնելու համար, այլ ոչ թե դատարանում։ Խնդրում ենք քննարկել հարցերը և ցանկացած պահանջ ուղղել առաջին հերթին մեր Հաճախորդների աջակցության ծառայությանը::

 

17. ԿԻՐԱՌԵԼԻ ԻՐԱՎՈՒՆՔԸ ԵՎ ԻՐԱՎԱՍՈՒԹՅՈՒՆԸ

17.1 Սույն Պայմանները կարգավորվում են Տարածքի օրենսդրությամբ, և ցանկացած վեճ, որը ծագում է սույն Պայմաններից կամ դրա հետ կապված, ենթակա է լուծման միայն Տարածքի իրավասու դատարանների կողմից:

18. ԸՆԴՀԱՆՈՒՐ ԴՐՈՒՅԹՆԵՐ

18.1. Օրիֆլեյմը պատասխանատվություն չի կրում Ձեր էլեկտրոնային փոստին հաղորդագրություններ կամ ծանուցումներ փոխանցող փոստային սերվերների՝ ադմինիստրատորի կողմից արգելափակման համար, ինչպես նաև Ձեր համակարգչում տեղադրված ծրագրային ապահովման միջոցով էլեկտրոնային նամակները ջնջելու կամ արգելափակելու համար:

18.2. Օրիֆլեյմը խստորեն առաջնորդվում է Ուղղակի վաճառքի ասոցիացիաների համաշխարհային ֆեդերացիայի (WFDSA) (WFDSA Direct Selling Code of Ethics): Օրիֆլեյմy պահանջում է, որ իր Բրենդ-գործընկերները խստորեն պահպանեն այդ կանոնակարգերը, որոնք այսուհետ շարադրված են Օրիֆլեյմի Էթիկայի կանոնագրքում և Վարքագծի կանոններում:

18.3 Մենք կարող ենք մեր պայմանագրով նախատեսված իրավունքներն ու պարտավորությունները փոխանցել մեկ այլ կազմակերպության, սակայն դա չի ազդի տվյալ Պայմաններով նախատեսված Ձեր իրավունքների կամ մեր պարտավորությունների վրա:

18.4 Դուք կարող եք սույն Պայմաններով նախատեսված Ձեր իրավունքները կամ պարտավորությունները փոխանցել այլ անձի միայն մեր գրավոր համաձայնությամբ: Այնուամենայնիվ, եթե Արտադրանքը ձեռք եք բերել որպես նվեր, կարող եք նվեր Ստացողին փոխանցել 7-րդ կետում նշված մեր երաշխիքի առավելությունները՝ առանց մեր համաձայնությունը ստանալու:

18.5 Յուրաքանչյուր պայմանագիր կնքվում է Ձեր և մեր միջև: Ոչ մի այլ անձ իրավունք չունի հարկադրված կատարելու դրա պայմաններից որևէ մեկը: Այնուամենայնիվ, Ձեր կողմից նվիրաբերված Արտադրանքի ստացողն իրավունք կունենա օգտվել 7-րդ կետում նշված մեր երաշխիքից, բայց մենք և Դուք սույն Պայմանները չեղարկելու կամ որևէ փոփոխություն կատարելու համար նրա համաձայնության կարիքը չենք ունենա:

18.6. Եթե Պայմանների որևէ դրույթ ճանաչվել է անօրինական, անվավեր կամ օրինական ուժը կորցրած որևէ պատճառով, ապա այդ դրույթի անվավերությունը չի ազդի Պայմանների մնացած դրույթների վավերականության վրա:

18.7. Օրիֆլեյմի կողմից սույն Պայմանների որևէ դրույթ չկիրառելը չի համարվում դրանց կիրառման հնարավորությունից հրաժարում:

18.8. Եթե Դուք այլ բան չորոշեք, մենք կարող ենք Ձեզ ուղարկել զգուշացումներ, ծանուցումներ, էլեկտրոնային փոստի հաղորդագրություններ, ուղղակի մարքեթինգային նամակներ և շփվել Ձեզ հետ՝ օգտագործելով կապի ցանկացած միջոց: Դուք ցանկացած պահի կարող եք թարմացնել Ձեր նախապատվությունները մեզնից մարքեթինգային հաղորդակցությունների նկատմամբ՝ մուտք գործելով օգտատիրոջ կարգավորումների բաժին: Ընդունելով սույն Պայմանները՝ դուք համաձայնում եք, որ Օրիֆլեյմը Ձեզ ուղարկի առուվաճառքի ձեր պայմանագրին և/կամ ձեր գնման պատվերներին վերաբերող ցանկացած այլ տեղեկատվություն/հաղորդագրություններ՝ թղթից բացի ամուր կրիչների վրա (այսինքն, էլեկտրոնային փոստով կամ այլ միջոցներով, հասցեագրված անձամբ Ձեզ, որոնք թույլ են տալիս պահպանել տեղեկատվությունը այնպիսի ձևով, որը հասանելի է հետագա օգտագործման համար բավական երկար ժամանակ, ինչպես նաև թույլ է տալիս վերարտադրել այդպիսի տեղեկատվությունը անփոփոխ ձևով) :

18.9. Սույն Համաձայնագրով նախատեսված ցանկացած ծանուցագիր, որն ուղարկվել է պատվիրված ծանուցմամբ կամ առաջին կարգի փոստով կողմի՝ սույն Համաձայնագրում նշված հասցեով, կամ այլ հասցեով, որը մի կողմը պարբերաբար գրավոր հաղորդում է մյուս կողմին, հանգեցնում է նրան, որ ծանուցման ժամկետը սկսում է հաշվարկվել (i) պատվիրված ծանուցմամբ ուղարկելու դեպքում՝ փոստով՝ այդպիսի ծանուցագիրն ուղարկելու օրվանից և (ii) առաջին կարգի փոստով ուղարկելու դեպքում՝ այդպիսի ծանուցագիրն ուղարկելուց հետո երկրորդ աշխատանքային օրվանից: Եթե ծանուցագիրն ուղարկվում է որևէ այլ եղանակով, ապա ծանուցման ժամկետը սկսվում է ծանուցագիրը փաստացի ստանալու օրվանից: Դա չի վերաբերում 9-րդ կետին համապատասխան վերադարձման մասին մեզ ծանուցելուն՝ վերադարձման ժամկետը սկսվում է այն օրվանից, երբ Դուք տեղեկացնում եք մեզ այն մասին, որ ցանկանում եք վերադարձնել Արտադրանքը:

18.10 «Օրիֆլեյմ Քոսմեթիքս» ՍՊԸ-ի մասին լրացուցիչ համապատասխան տեղեկատվությունը ներկայացված է ստորև:

Անվանումը՝ «Օրիֆլեյմ Քոսմեթիքս» ՍՊԸ

Հասցեն՝ ՀՀ, ք. Երևան, Քաջազնունու փ. 20

Կոնտակտային տվյալները՝ Էլ. փոստը՝ Customers_am@oriflame.com

Առևտրային կամ այլ պետական գրանցամատյան

Պետական ռեգիստրում գրանցման համարը՝ 264.110.06070

ՀՎՀՀ՝ 00076358

 

19. ԿՈՆՏԱԿՏՆԵՐ

Եթե Կայքի կամ սույն Պայմանների վերաբերյալ հարցեր ունեք, խնդրում ենք գրել մեզ հետևյալ հասցեով՝ Customers_am@oriflame.com: Մենք կգործադրենք ողջամիտ բոլոր ջանքերը՝ լուծելու բոլոր այն հարցերը և խնդիրները, որոնց մասին դուք մեզ կհայտնեք:

Վերջին թարմացման ամսաթիվը՝ 18.02.2024