Փանք ռոք
Փանքերը նորից գործի մեջ են: Մի՛ վախեցիր լինել վառ և բացահայտել քո ապստամբ էությունը. թո՛ղ բոլորի հայացքներն ուղղվեն միայն քեզ: Փանք ոճի աքսեսուարները հեշտ է համադրել տարբեր կերպարների հետ, օրինակ, սրություն ավելացնել գործնական ոճին կամ գունավորել ամենօրյա կերպարները:
Ասիմետրիկ և մետաղական թիթեղները կամ շղթաները՝ արծաթագույն կամ ոսկեգույն երանգով մեկ վզնոցում, քո կերպարի վայրի երանգներն են:
Վայրի բնություն
Կենդանական նախշերը, կարծես թե, երբեք չեն դադարի նորաձև լինել, ինչպես և զարդերը: Այս աշնանն առաջարկում ենք քեզ կրել մեղվիկներ: Այս նրբիկ արարածները զարդարում են ականջօղերը, վզնոցները, մատանիները: Փաթաթվիր կոնտրաստային նախշերով շարֆով՝ կերպարիդ առավել ջերմություն հաղորդելու համար:
Շոտլանդական վանդակ
Նոր հավաքածուի ամենաաշնանային նաշխը: Համարձակ համադրիր տարբեր գույների և գործվածքների վանդակը՝ այդպես կերպարդ ավելի գերժամանակակից կդարձնես: Օրինակ, լրացրու բազմագույն վանդակավոր շարֆն առանձնացվող փոկով պայուսակ-կլատչի հետ:
Լայֆհաք. սկսի՛ր ժամացույց կրել
Ձեռքի ժամացույցը շատ բան կարող է պատմել այն կրողի ճաշակի մասին, բացի այդ, այս աքսեսուարը ժամանակից դուրս է: Մինիմալիստներին դուր կգա դասական ոսկեգույն ժամացույցները, իսկ վառ շեշտադրումների սիրահարներին՝ մեղու-բաժանարարներով ժամացույցները:
