Փայլփլուն իրեր մեծերի համար
Մետալիկ զգեստները (կարճ և երկար) հայտարարում են գարնան գլխավոր կանոնը՝ «առանց սահմանների»: Մենք հատկապես ուրախ ենք, որ այս կանոնը արդի է նաև դիմահարդարման համար: Ոսկեգույն շրթներկ, մազերում փայլող ժապավեններ, փայլեր կոպերին՝ լավագույնը կրում ենք միանգամից:
Ոգեշնչման աղբյուր՝ Ashish, Prada, Giambattista Valli, Maison Margiela
Մազերի զարդարանքներ
Այս գարնանը մազերի զարդարանքներն առավել կարևոր են, քան բուն սանրվածքները: Ազա՛տ թող քո մեջ ապրող փոքրիկ աղջնակին, որը սիրում էր արքայադուստր խաղը: Դու կարող ես կրել խույր (լավ է այն համադրել այս սեզոնում ակտուալ զգեստ-կոմբինացիայի հետ) կամ բնական ծաղիկներով ստանալ սանրվածք 70-ականների ոճում, կարող ես կրել հերակալ, իսկ ավելի համեստ տարբերակ կարող է լինել սանրվածք- վարդակապը:
Ոգեշնչման աղբյուր՝ Saint Laurent, Dolce & Gabbana, Lanvin, Diane von Fustenberg
Ի հեճուկս սպասելիքների՝ այս գարունը դիզայներները դարձյալ չտարվեցին նեյլ-արտով: Դասական ֆրենչ՝ նոր երանգներով և երկրաչափական մարմիններով. նայի՛ր մեր տեսանյութը և սովորի՛ր ինքդ:
Ոգեշնչման աղբյուր՝ Mugler, Markus Lupfer and Cushnie et Ochs
Երկնագույն հեռուներ
Կապույտի երանգները այս սեզոնի նորաձևության հարթակների իրական կախարդանք են: Այս գույնը կարող ենք տեսնել ամենուր, ասես, երկնքի լազուրի մասունքները զարդարել են ողջ հագուստը, աքսեսուարները և դարձել մոդելների դիմահարդարման մասը: Նորաձև լինելու համար համադրի՛ր +++ չափի սլաքները կամ էլեկտրիկ կապույտ երանգի թարթիչները նուրբ երկնագույն կոստյում-պիժամայի հետ:
Ոգեշնչման աղբյուրը՝ Chanel, Roksanda Ilincic, Diane von Fustenberg, Missoni, Mary Katrantzou
Կարմիր բանակ
Մենք տեսել ենք փայլատ կարմիր շրթներկ Topshop Unique-ի ցուցադրությանը, ծիրանագույնը՝ Oscar De La Renta-ի մոտ, ալ կարմիր երանգը՝ Burberry Prorsu-ի մոտ: Այս շարքը կարելի է անվերջ շարունակել: Ինչ վերաբերվում է դիմահարդարմանը, ապա Nina Ricci, Jason Wu, ինչպես նաև Վիկտորիա Բեքհեմ ապրքանքանիշները վկայում են՝ ալ կարմիր շրթներկը կրկին դասվում է must have-ի շարքին:
Ոգեշնչման աղբյուրը՝ Topshop Unique, Oscar De La Renta, Burbery Prorsum
Հյուսքերով
Համեստ հյուսքը ստացել է «բարձրացում» և հայտնվել ամենանորաձև ցուցադրությունների ուշադրության կենտրոնում: Նոր սեզոնին հյուսքը ներկայացված է աֆրո-հյուսքերի տեսքով, ֆրանսիական նրբագեղ տարբերակով, ինչպես նաև դասական պոչիկի տարբերակներով: Բոլոր տեսածներից մենք ինքներս ընտրում ենք գալարաձև հյուսքը՝ թարմ, գրավիչ, հասանելի տան պայմաններում: Մեր տեսադասընթացում մենք ցույց կտանք՝ ինչպես ստանալ այսպիսի սանրվածք:
Մեր տեսադասընթացում մենք ցույց կտան՝ ինչպես ստանալ նմանատիպ սանրվածք։
Ոգեշնչման աղբյուրը՝ Louis Vuitton, Hervé Léger by Max Azria, Céline, J.W. Anderson, Public School
Բնական գեղեցկությունԱյս էֆեկտը մենք անվանում ենք «սուպերմոդելի դեմք»՝ անթերի հիմք, կատարյալ մաշկ՝ սնգույրի շատ քիչ քանակությամբ և կատարյալ ձև ունեցող հոնքերով: Գերազանց համադրվում է ինչպես մերկ ուսերի, այնպես էլ վառ, հիմնային գույների հետ (ինչպես DSquared2-ի մոտ):
Ոգեշնչման աղբյուրը՝ Michael Kors Collection, Alexander McQueen, DSquared2
