Քեյթ Բոսուորթ
2015 թ. պատմության մեջ կմնա՝ որպես «բոբ» սանրվածքի տարի: Այս ամենին առաջին հերթին նպաստել է Քեյթ Բոսուորթը, որը այս նորաձև սանրվածքն ունեցավ դեռ ձմռանը: Նրա օրինակին հետևեցին Սիեննա Միլլերը, Ռոզի Հանթինգթոն-Ուայթլին և Մարգո Ռոբբին: Մենք նույնպես ուզում ենք...
Քիմ Քարդաշյան
Քիմի նոր սանրվածքը միշտ համաշխարհային մակարդակի իրադարձություն է: Դեռ վերջերս նա զբոսնում էր անհամաչափ, սև մազափնջերով՝ մինչև ուսը ձգվող երկարությամբ, և դա մեզ դուր էր գալիս: Իսկ հետո նա հանկարծակի մեզ զարմացրեց պլատինե փայլով: Մենք հիացմունքից կորցրինք խոսելու ունակությունը և պարզապես վեր բարձրացրինք մեր ձեռքի բութ մատները՝ ի նշան մեր հիացմունքի:
Ջեսիկա Հարթ
Ջեսիկա Հարթի խիտ, մուգ շեկ գանգուրները այն պարզ լուծումներից մեկն է, որը միշտ նորաձև է: Երկար մազերի դեպքում օգտվի՛ր նրա օրինակից, կենտրոնում ավելացրու քիչ քանակությամբ ալիքներ, և դու կստեղծես նորաձև սանրվածք 70-ականների ոճում:
Բեյոնսե
Բեյոնսեն սանրվածքը փոխում է, ինչպես ձեռնոցներ, չնայած՝ մենք մեծ հետաքրքրությամբ կնայեինք այն մարդուն, որի զգեստապահարանում լիներ այնքան ձեռնոց, որքան երգչուհին փոխել է իր մազերի գույնը, ոճը վերջին 2-3 տարիների ընթացքում: Այս հոդվածը գրելիս Բեյոնսեն ուներ ալիքավոր շեկ մազեր: Մենք չգիտենք՝ ինչ կորոշի նա անել վաղը, սակայն այս սանրվածքը մեր ամենասիրելիներից մեկն է:
Լիլի Քոլինզ
Երբ Սքարլեթ Յոհանսոնը «փանք» ոճի սանրվածքով առաջին անգամ հայտնվեց է հանրության առջև, կարող ենք անկեղծ խոստովանել, որ զարմանք առաջացրեց: Սակայն երբ համարյա նույն սանրվածքը ստացավ Լիլի Քոլինզը, մենք պարզապես սիրահարվեցինք այդքան բողոքական, բայց միևնույն ժամանակ նրբագեղ կերպարին:
