Աշնան համար անհրաժեշտ 5 աքսեսուար

Աքսեսուարները միշտ նորաձև են, քանի որ նորաձևությունը առաջին հերթին հենց դետալներն են: Այս աշնան ամենաակտուալ աքսեսուարները կարող են յուրաքանչյուր կերպար ակնթարթորեն դարձնել ավելի արտահայտիչ: Տես, թե ինչ ենք մենք ընտրել հատուկ քեզ համար:

  1. Լայն գոտի

Լայն գոտին սեզոնի ամենաանհրաժեշտ աքսեսուարն է: գոտկատեղի ձևը կրկնող և քո կառուցվածքի ուրվագծերն ընդգծող գոտին պատրաստված է էլաստիկ նյութից, ինչի շնորհիվ այն ունի ավելի նրբագեղ տեսք: Այն կարելի է համադրել վերնազգեստի, զգեստի և տունիկաների հետ: Իսկ ոսկեգույն ճարմանդը կհաղորդի տպավորիչ փայլ:





2.
  1. Արհեստական մորթի

Արհեստական մորթին նորաձև է, պրակտիկ և այս սեզոնին չափազանց հայտնի: Նուրբ ու ոճային արհեստական մորթուց օձիքը լավագույն տարբերակն է նորաոճ տեսքն ապահովելու և, միևնույն ժամանակ աշնանային սառը քամիներին դիմակայելու համար: Բացի այդ, այս աքսեսուարը շատ բազմաֆունկցիոնալ է: Դու կարող ես այն կրել որպես շարֆ կամ գլխարկ:




3.
  1. Շատ երկար շարֆ

Երկար շարֆը քո կերպարին կհաղորդի նրբագեղություն: Սև ֆոնի վրա ոսկեգույն նախշազարդը ուշադրության կենտրոնում հայտնվելու երաշխավորված տարբերակ է: Այն կարելի է կրել՝ դնելով գոտու տակ կամ ազատ պտտել պարանոցի շուրջ: Անփույթ թվացող ուրվագծերը կհաղորդեն ոճային տեսք:

4.     Պայուսակ Բակետ-բեգ

Աշնան գլխավոր հերոսուհին դասական բակետ բեգն է: Լավ մտածված և պրակտիկ իրը չափազանց անհրաժեշտ է ակտիվ կենսակերպ վարող իգական սեռի ներկայացուցիչների համար: Մեզ շատ դուր է գալիս կաշենման, կոպիտ  տարբերակը և հարմար քուղով ճարմանդը:






5. 
  1. Սպորտային գլխարկ

Սպորտային գլխարկը սպորտային հագուստի այն հազվադեպ էլեմենտն է, որը կարելի է տեսնել Նորաձևության բոլոր շաբաթներին: Եթե քեզ հոգեհարազատ է սպորտային շքեղությունը, սպորտային գլխարկն անպայման կդառնա  (եթե դեռ չի դարձել) քո սիրելի աքսեսուարը: 

Տեքստ Ֆոտո Oriflame