Քեթրին, Քեմբրիջի դքսուհի
Քեթրին Էլիզաբեթ Մաունթբետտեն-Վինձորը (օրիորդության ժամանակ Քեթրին Միդլթոն) 2011 թ. ամուսնացել է արքայազն Ուիլյամի հետ: Դա ամենաշքեղ ժամանակակից թագավորական հարսանիքներից մեկն էր։ Այդ ժամանակներից ի վեր, զույգն ունեցել է երկու երեխա: Քեթրինն ակտիվորեն զբաղվում է բարեգործությամբ և արդեն դասվել է 100 ամենաազդեցիկ կանանց շարքին՝ ըստ Time ամսագրի։ Նրա սովորական դիմահարդարումը՝ միջին ծածկույթով հիմք, աչքերի շագանակագույն գծաներկ և այտերին մի փոքր սնգույր։ Այս կերպարի համար շատ կարևոր են կատարյալ, խնամված հոնքերը, իսկ ահա շուրթերը կարելի է թողնել չեզոք։ Մենք նաև զմայլվում ենք նրա մշտապես անթերի սանրվածքով։
Թայլանդի արքայադուստր Սիրիվաննավարի Նարիրատանա
Արքայադուստր Սիրիվաննավարի Նարիրատանան՝ կրոն-արքայազն Մախի Վաչիրալոնգկորնի դուստրը, Փարիզի նորաձևության շաբաթների մշտական հյուրն է։ Նա սիրում է ակտուալ դիմահարդարում և վառ գույներ, ունի անթերի ճաշակ։ Տարբերվում է շրթներկի ամենավառ երագները, երկար թարթիչները և սնգույրի բրոնզագույն երանգը համադրելու իր բացառիկ կարողությամբ։ Սանրվածքի մասին անգամ խոսել չարժե, ամեն ինչ հասկանալի է՝ առանց խոսքերի։
Հորդանանի թագուհի Ռանիա Ալ-Աբդուլլա
Այո, նա արքայադուստր չէ, այլ՝ թագուհի։ Սակայն այդ հանգամանքը անտեսելու դեպքում՝ Ռանիա Ալ-Աբդուլլան համարվում է Մերձավոր Արևելքի ոչ միայն առաջադեմ կին-հասարակական գործիչներից մեկը, այլև իրական բյութի-խորհրդանիշ։ Նրա ամենահայտնի կերպարը՝ փոշոտ վարդի երանգ ունեցող շրթներկի և արտահայտիչ, ընդգծված աչքերի հիրավի թագավորական նրբագեղ համադրությունը։ Այս կերպարը ստեղծելու համար քեզ անհրաժեշտ է հեղուկ գծաներկ (Ռանիան օգտագործում է այն միայն վերին կոպի համար), փայլատ չեզոք կամ շագանակագույն երանգներով ստվերաներկ, ինչպես նաև սևաներկ։
Նիգերիայի արքայադուստր Քեիշա Օմիլանա
Քեիշան հենց առաջին հանդիպումից գրավել է Նիգերիայի արքայազն Կունլե Օմիլանի սիրտը։ Նախկինում մոդել և բարեգործ Քեիշան նախընտրում է պարզ դիմահարդարում՝ խնամված և երիտասարդությամբ շողացող առողջ մաշկ և ընդգծված հոնքեր։ Այս կերպարը ստեղծելու համար քեզ անհրաժեշտ է թափանցիկ ծածկույթ ապահովող երանգային հիմք, մի փոքր փայլ այտերին և բնական գամմայի շուրթերի փայլ։
Շվեդիայի արքայադուստր Մադլեն
Թագավորական պարտականությունները կատարելուց և բարեգործական գործունեությունից զատ, արքայադուստր Մադլենը շատ է սիրում ձիասպորտ։ Հնարավոր է, դրանով է բացատրվում նրա այտերի թագավորական նուրբ վարդագույն կարմրությունը և մաշկի կատարյալ երանգը։ Նրա նախընտրած կերպարը փայլող մազերն ու ընդգծված աչքերն են։ Արքայադուստր Մադլենը չի օգտագործում ստվերաներկեր՝ նախապատվությունը տալով շագանակագույն մատիտ-գծաներկին, որը կատարյալ համադրվում է դրա դեմքի և վարդագույն շուրթերի փայլի հետ։ Վերջինս արքայադուստրը փոխում է ավելի խորը՝ կարմիր կամ անգամ բաց մանուշակագույն երանգներով։
