Հ. Ինչպե՞ս օգտագործել փխրուն դիմափոշին:
Պ. Փխրուն դիմափոշին մաշկին հաղորդում է մետաքսե հարթություն և ամրացնում հիմքը։ Բացի այդ, այն հարթեցնում է մաշկի մակերեսը և օգնում այն պահպանել խոնավ։
Այն ճիշտ տարածելու համար քեզ անհրաժեշտ է խոշոր վրձին։ – Վերցրու միջոցի քիչ քանակություն և թափ տուր ավելցուկները։ Դիմափոշին տարածիր Т-հատվածին, հեռացրու նկատելի մասնիկներն այնպես, որ արդյունքը լինի համաչափ։ Վայելի՛ր կատարյալ մետաքսե մաշկը։
Հ. Չեմ կարողանում բացել եղունգների լաքի սրվակը։ Արդյո՞ք դա նշանակում է, որ այն փչացել է և պետք է գնել նորը։
Պ. Մեկ րոպե կամ մի քիչ ավելի երկար սրվակը շրջիր գլխիվայր տաք ջրի տակ, պետք է որ օգնի։
Հ. Շատ հաճախ ցերեկային կամ գիշերային քսուքի սրվակի խուփի տակ կա պաշտպանիչ թաղանթ կամ փայլաթիթեղ։ Այն անհրաժեշտ է թափել՞, թե՞ պահպանել։
Պ. Թողնել։ Այն լույսից և արևից պաշտպանվելու համար հավելյալ շերտ է։ Լույսն ու արևը քայքայում են ակտիվ բաղադրիչները, օրինակ՝ С վիտամինը, ռեթինոլը, արդյունքում քսուքը կորցնում է իր հատկությունները։
Հ. «Նուրբ խնամք» բալզամը լավ ազդեցություն ունի շուրթերի վրա, սակայն ինչպե՞ս այն այլ կերպ կիրառել։
Պ. «Նուրբ խնամք» բալզամը ստեղծված է քո շուրթերը խնամելու համար, սակայն կարող ես այն կիրառել ըստ ցանկության՝ անգամ կոպերին, եթե ուզում ես հաղորդել փայլուն էֆեկտ։ Մենք այն օգտագործում ենք մաշկի չոր հատվածները խոնավացնելու, ոտքերի մաշկը փափկացնելու, նաև կուտիկուլների չորությունը հեռացնելու համար։
Հ. Ինչպե՞ս ճիշտ տարածել աչքերի շուրջ հատվածի քսուքը
Պ. Աչքերի շուրջ հատվածի քսուքը տարածիր աչքերի տակ, խուսափիր այն կոպերին տարածելուց։ Փորձիր նաև չդիպչել թարթիչների ներքին գծին՝ հնարավոր գրգռվածությունից խուսափելու համար։ Քեզ անհրաժեշտ է մշակել ակնակապիճի եզրից մինչև կոպի եզրագիծ ընկած հատվածը։ Եթե վստահ չես, որ կարող ես միջոցը տարածել վրձնի օգնությամբ, ապա այն տարածիր մատների միջոցով։
Հ. Ինչպե՞ս օգտագործել Giordani Gold գնդիկավոր դիմափոշին
Պ. Գնդիկավոր դիմափոշին միկրոմասնիկների խառնուրդ է, որոնք մաշկին հաղորդում են փայլ և արևայրուքի թեթև էֆեկտ։ Քեզ անհրաժեշտ է հովհարի ձև ունեցող միջին չափսի վրձին։ Այն անցկացրու գնդիկների վրայով, այնուհետև դիմափոշին տարածիր դեմքի արտահայտվող հատվածներին՝ այտոսկրերին և քունքերին։
Հ. Ինչի՞ համար է անհրաժեշտ մազերի յուղը և ինչպե՞ս այն օգտագործել։
Պ. Մազերի յուղը հայտնի է դեռ վաղուց, այն օգնում է ապահովել մազերի փայլն ու առողջությունը։ Այդպիսի յուղը պարունակում է բազմաթիվ օգտակար բաղադրիչներ, ներառյալ Е վիտամինն ու ճարպաթթուները, որոնք չենք թողնում մազերը գզգզվեն և հաղորդում են դրանց փայլ։ Ամենից հաճախ մազերի յուղն օգտագործվում է չլվացվող կոնդիցիոների պես։
Ինչպե՞ս տարածել մազերի յուղը․ յուղի մի քանի կաթիլ տարածիր ափերիդ մեջ և քսիր խոնավ կամ սրբիչով չորացրած մազերիդ։
Հ. Ո՞րն է մազերի սովորական յուղի և մազերի տաք յուղի միջև տարբերությունը։
Պ. Մազերի տաք յուղը տարբերվում է ինչպես իր բաղադրությամբ, այնպես էլ օգտագործման եղանակով։ Սովորական յուղը տարածում են խոնավ մազերին, իսկ տաք յուղը հաղորդում է առավել խորը արդյունք և տարածվում թաց մազերին։ Սովորական յուղերը, ինչպես նաև դիմակները բարելավում են մազերի արտաքին տեսքը, իսկ տաք յուղը ներծծվում է մազերի խորքեր՝ դրանց վիճակը բարելավելով ներսից։
Տաք օգտագործումը բավականին պարզ է․ Միջոցը մեկ րոպեով տեղադրիր տաք ջրի մեջ, այնուհետև բացիր սրվակը և միջոցը մերսելով տարածիր խոնավ մազերին։ Մեկ րոպե անց անհրաժեշտ է լվանալ, նույն գործընթացը կրկնեք շաբաթը մեկ անգամ։ Մազերի տաք յուղը հարմար է մազերի բոլոր տիպերի համար, և հատկապես լավ ազդեցություն է թողնում չոր մազերի վրա։
Հ. Ինչի՞ համար են անհրաժեշտ մազերի շիճուկները, և ինչպե՞ս այն ճիշտ օգտագործել։
Պ. Մազերի շիճուկների հիմքում սիլիկոնն է, դրանք մազերին հաղորդում են փայլ և առողջ տեսք։
Ինչպե՞ս օգտագործել մազերի շիճուկը. շիճուկի մի քանի կաթիլ լցրու ափերիդ մեջ և հավասարաչափ տարածիր խոնավ կամ սրբիչով չորացրած մազերիդ։ Խուսափիր միջոցը գլխամաշկին տարածելուց։
