Դիզայներ Կիրա Պլաստինինան հստակ գիտի, թե ինչ են ուզում ամբողջ աշխարհի աղջիկները: Երբ նա դեռ 22 տարեկան էր, նա արդեն բացել էր շուրջ 300 խանութ Ռուսաստանում, ԱՊՀ երկրներում, Իտալիայում և ԱՄՆ-ում: Կիրան գիտի ոչ միայն նորաձևության, այլև գեցեկության միտումները: Պատմում ենք, թե ինչպես կրկնել նրա nude ոճի դիմահարդարումը:
1. ՀԻՄՔ
Քողարկի՛ր մաշկի թերությունները: Սպունգի սուր անկյունով քսիր քողարկիչը բշտիկների և գունակային հետքերի վրա: Հավասարեցրու մաշկի գույնը CC քսուքների միջոցով:
2. ԸՆԴԳԾՎԱԾ ԴԵՄՔ
Դեմքին ավելի ընդգծված ձև հաղորդել կօգնեն հայլայթերը և արևայրուքի էֆեկտով դիմափոշին: Հայլայթերը քսիր այտոսկրերի վրա, քթի կողքերին և դնչի վերևի կետում: Թեթև փայլի տպավորություն ստեղծելու համար մատների օգնությամբ զգուշորեն տարածիր հայլայթերը, բայց առանց տրորելու: Վերցրու լայն վրձինը և թեթև շարժումներով դիմափոշին քսիր այտոսկրերի վրա (մոտավորապես բերանի ծայրից 3 սմ վերև հատվածից մինչև ականջ), քներակից մինչև մյուս քներակ մազերի աճի երկայնքով և քթի կողքի մասին: Լավ տարածիր: Ծիրանագույն սնգույրով թեթև շեշտադրում կատարիր այտերի վրա:
3. ՈԳՈՒ ՀԱՅԵԼԻ
Հոնքերը թեթևակի մգացրու շագանակագույն ստվերաներկով և մատիտով, սանրիր և ֆիքսիր թափանցիկ գելով: Ընդգծի՛ր վերևի և ներքևի թարթիչների աճի գիծը սև կամ մուգ մոխրագույն մատիտով և տարածիր: Աչքերի ներսի հատվածին և հոնքերի տակ քսիր բեժ գույնի ստվերաներկ: Շարժվող կոպի մեջտեղից մինչև աչքերի արտաքին անկյունները քսիր գրաֆիտային ստվերաներկ և տարածիր: Երեկոյան դիմահարդարման համար հարմար կլինեն փայլուն կամ մետալիկ երանգներ ունեցող ստվերաներկերը:
Առավել արտահայտիչ թարթիչներ ունենալու համար՝ քսիր երկարացնող սևաներկը սկզբում թարթիչների արմատին, այնուհետև ամբողջ երկայնքով՝ ձգելով դեպի աչքի արտաքին անկյունը, թեթևակի կլորացրու: Թո՛ղ սևաներկը չորանա, ապա քսիր երկրորդ շերտը: Թեթև ներկիր նաև ներքևի թարթիչները:
4. ՇՐԹՆԵՐԿԻ ՆԵՐԴԱՇՆԱԿՈՒԹՅՈՒՆ
Այս կերպարի համար ավելի հարմար կլինի բնական երանգի խոնավացնող կիսաթափանցիկ փայլը շուրթերի համար: Երեկոյան դիմահարդարման համար կարող ես վերցնել վառ շրթներկ, օրինակ՝ մարջանի կամ սալորի երանգներով:
6. ՎԱՐՍԱՀԱՐԴԱՐՈՒՄ
Բնական խոպոպներ ստանալը հեշտ է: Խոնավ մազերի արմատների վրա քսիր ծավալ հաղորդող միջոց, իսկ մազերի երկայնքով տարածիր խոպոպներ ստեղծելու համար մուս: Արմատները չորացրո՛ւ վարսահարդարիչով՝ գլուխը ներքև իջեցնելով: Մազերը չորացրու՝ դրանք ձեռքերի մեջ պահելով: Ֆիքսիր լաքով:
