Ինչպես ճիշտ պահպանել կոսմետիկան

Յուրաքանչյուր կոսմետիկ միջոց ունի պահպանման ժամկետ։ Եվ բացելուց անմիջապես հետո հետհաշվարկի ժամկետը սկսում է աշխատել։ Լինի դա սևաներկ, թե մարմնի քսուք՝ այն առավելագույնս երկար պահպանելու համար օգտակար կլինի կիրառել մի քանի կանոն։

ՏԱՔ ԵՎ ԱՐԵՎԱՅԻՆ ԼՈՒՅՍ
Տաքն ու լույսը առաջացնում են քիմիական ռեակցիա, այդ թվում նաև քո սրվակներում պարունակող միջոցների վրա, որի պատճառով դրանք կորցնում են ոչ միայն իրենց արդյունավետությունը, այլև վերածվում են մանրէների բազմացման սնուցող միջավայրի։ Իսկ որոշ արտադրատեսակներ, առավել միտված են տաքի և լույսի ազդեցության, քան մյուսները։

Առավել զգայուն միջոցները ու բաղադրիիչները․

  • С վիտամին պարունակող միջոցներ (պիտակի վրա կարող է նշված լինել որպես ասկարբինային թթու)
  • Հակատարիքային քսուքներ (ռեթինոլ պարունակող միջոցներ)
  • Հակաակնե միջոցներ (պիտակի վրա փնտրիր բենզոիլ պերօքսիդ)
  • Ինքնարևայրուքի միջոցներ (պարունակում ենք ԴՀԹ)
  • Կոնսերվանտներ չպարունակող բոլոր միջոցները (օրինակ՝ օրգանական կոսմետիկա)

Միջին զգայություն ունեցող միջոցներ.

  • Շրթներկեր (կարող են հալվել արևի ուղիղ ճառագայթների ազդեցության ներքո)
  • Վրձիններ (կարող են ներծծել խոնավությունը և այդ կերպ ստեղծել մանրէների բազմացման համար հարմար միջավայր)
  • Դիմափոշի և նմանատիպ այլ արտադրանք (ուլտրամանուշակագույնը կարող է քայքայել գունակը, որի արդյունքում երանգը կկորցնի իր սկզբնական տեսքը)

Ինչ անել.
Այս արտադրանքը պահպանիր ստորին դարակներում՝ արևի ճառագայթներից, գոլորշուց և տաքից հեռու։

ՕՔՍԻԴԱՑՈՒՄ 
Օքսիդացումը քիմիական ռեակցիա է, որը կատարվում է արտադրանքը՝ օդում առկա թթվածնի հետ շփվելիս։ Օքսիդացած միջոցները կորցնում են իրենց գույնը, չորանում և գնդվում են, մի խոսքով՝ դառնում անպիտան։

Թթվածնի ազդեցությանը ենթարկվող առավել զգայուն արտադրանքներ․

  • Օրգանական քսուքներ
  • Շիճուկներ
  • Արևապաշտպան միջոցներ
  • Բնական յուղեր
  • Սևաներկ և հեղուկ-գծաներկ
  • Շպարի հիմք

Հետևի՛ր այս կանոններին․
Միշտ փակիր սրվակը և փորձիր քո կոսմետիկ միջոցները հեռու պահել գոլորշու ներգործությունից. 
Միջոցները տարածելուց առաջ անպայման լվա՛ ձեռքերդ՝ մանրէների տարածումից խուսափելու համար 
Առավել զգայուն միջոցները պահիր մութ վայրերում (օրինակ՝ մուգ շշերում կամ պարզապես ոչ թափանցիկ գեղարարային պայուսակում)։.

ՀՈՎ ՎԱՅՐԵՐ 
Որոշ միջոցներ հատկապես զգայուն են շրջակա միջավայրի նկատմամբ, որքան ջերմությունը ցածր է, այնքան դանդաղ է ընթանում քայքայման ռեակցիան, օրինակ՝ օքսիդացումը։ Սառը միջավայրում նաև դանդաղ են բազմանում մանրէները, չնայած՝ այս գործընթացն ամբողջությամբ կանգնեցնելն անհնար է։

Միջոցներ, որոնց համար հով վայրն օգտակար է․

  • Բույրեր (այն տարուց ավել պահպանելու ցանկության դեպքում)
  • Եղունգների լաք ( մի՛ մոռացիր, որ այն անհրաժեշտ է տարածել սենյակային ջերմաստիճանում)
  • Բոլոր այն միջոցները, որոնք չեն պարունակում կոնսերվանտներ և օրգանական արտադրանքը

Միջոցներ, որոնք նույնպես հնարավոր է պահպանել սառը վայրում

  • Խոնավացնող միջոցներ, աչքերի շուրջ հատվածի քսուք, շիճուկներ, երանգային հիմքեր (հատկապես շոգ օրերին)։

Հետևիր այս կանոններին․ 
Անգամ սառնարանում միջոցը պահպանելը չի բացառում, որ այն կփչանա։ Սա վերաբերում է հատկապես կոնսերվանտներ չպարունակող օրգանական կոսմետիկային, նմանատիպ միջոցները նախատեսված չեն երկարատև պահպանման համար։
Մաշկի խնամքի միջոցները կարող են դիմադրել շրջակա միջավայրի աննշան տատանումներին, սակայն ոչ տաքի կամ սառի երկարատև ազդեցությունը։ Այդ պատճառով հակացուցված է դրանք սառնարանում պահելը։
Այն շշերը, որոնցից միջոցը վերցնում ես մատների օգնությամբ, մանրէների զարգացման ինկուբատոր են։ Դրանց բազմացումը դանդաղեցնելու համար՝ շշիկները պահպանիր սառը վայրերում։ 
Եթե կոսմետիկան պահպանում ես սնունդով լի սառնարանում, համոզվի՛ր, որ շշերն ամուր փակված են՝ ելնելով անվտանգության և հիգիենայի նկատառումներից։




Տեքստ Ֆոտո Getty Images