Մեր կերպարի համար կվերցնենք շուրթերի փայլը, լաքային շրթներկ և հեղուկ շրթներկ-մուս։ Հեղուկային բաղադրակազմը միակն է, որը միավորում է այս երեք բաղադրիչները, մնացած ամեն ինչ շատ տարբեր է։ Դիտարկենք դրանցից յուրաքանչյուրը։
Փայլը հեշտությամբ է տարածվում անհատական վրձնի օգնությամբ, որը ներառված է փաթեթավորման մեջ, սակայն դա կարելի է անել նաև մատների կամ շրթներկի վրձնի օգնությամբ։ Այս հատկությունը կոմպենսացնում է փայլի միջին կայունությունը։ Անհրաժեշտության դեպքում այն միշտ կարելի է տարածել՝ դիմահարդարումը շտկելու համար։ Փայլի բաղադրությունը պարգևում է ավելի հաճելի զգացողություն և միջին խտություն, ունի հաճելի բույր և պարգևում է հայելանման արդյունք։ Շնորհիվ դրա արտացոլող արդյունքի՝ այն տեսողաբար մեծացնում է շուրթերը, այդ պատճառով այն կարող ես օգտագործել նաև քո սիրելի կայուն շրթներկի կիրառումից հետո, չէ որ այն գերազանց միախառնվում է գրեթե բոլոր տեսակների հետ։ Փայլն ունի գունակների միջին խտություն, իսկ դա նշանակում է, որ կատարյալ ընտրություն է առօրյա դիմահարդարման համար։
Այս սեզոնին արդիական են շուրթերի փայլն առանց հավելյալ փայլուն մասնիկների առկայության, ինչպես նաև բնական գամմայից առավել թեթև երանգներ։
Լաքային շրթներկը տարածիր միայն հավաքածուի մեջ ներառված վրձնի օգնությամբ։ Շրթներկի այս տեսակը շուրթերի մատիտի առկայություն չի պահանջում, իսկ գունակների քանակը մեծանում է՝ կախված շերտերի քանակից։ Լաքային շրթներկը խառնելու անհրաժեշտություն չկա, սա ընդունելի է այն դեպքում, երբ ուզում ես ստանալ յուրահատուկ երանգ։ Այն ունի խոնավացնող և խնամող ազդեցություն, շուրթերին պարգևում է հաճելի, յուղալի արդյունք՝ ասես բալզամից հետո։ Ինչպես և փայլը, լաքային շրթներկը շուրթերին հաղորդում է հավելյալ ծավալ՝ շնորհիվ լուսարձակող հատկության։ Լաքային շրթներկը եզակի է կայուն գունակների առկայությամբ։ Ժամանակի ընթացքում (օրինակ՝ ջրից հետո) լաքային արդյունքը մաքրվում է, սակայն գույնը մնում է շուրթերին, և դու կարող ես պարզապես տարածել ևս մեկ շերտ։ Այն հեշտությամբ տարածվում է, չի առաջացնում գնդեր։
Հիանալի տարբերակ՝ ռեստորան այցելելու համար։
Շրթներկի այս տարբերակը տարածելու հարցում քեզ կօգնի սրվակի վրձինը։ Միևնույն ժամանակ կարող ես կիրառել նույն երանգի շուրթերի մատիտ։ Առանձին նաև դիտարկենք դրա բաղադրությունը․ շատ հաճելի, քսուքանման, շրթներկը տարածվում է անթերի՝ առանց բալզամ կիրառելու։ Սովորաբար փայլատ շրթներկը չորացնում է շուրթերը, սակայն մեր դեպքում դա իրական առաջընթաց է։
Փայլատ շրթներկը այս սեզոնի գլխավոր բյութի-միտումներից է, քանի որ վառ և հագեցած գույները չափազանց հարմար են գարնանային և ամառային օրերի համար։ Սա գերազանց տարբերակ է շուրթերի շեշտադրումով երեկոյան կամ տոնական դիմահարդարում ստանալու համար։ Շնորհիվ բարձր կայունության և շատ ուժեղ գունակների, այն ժամանակ առ ժամանակ շտկելու կարիք չկա։ Հիշի՛ր կարևորը՝ շրթներկի վառ երանգները քո դիմահարդարման հետ գեղեցիկ համադրելու համար անհրաժեշտ է դեմքի կատարյալ երանգ։
Ես խորհուրդ չեմ տալիս խառնել փայլատ մուսը այլ շրթներկերի հետ, ինչպես նաև օգտագործել այն մեծահասակներին դիմահարդարելու դեպքում, սա կօգնի խուսափել թերություններն ընդգծելուց։
