Վերականգնում ենք ճաքճքած շուրթերը

Սառը եղանակը կարող է վատ ազդեցություն թողնել քո շուրթերի վրա՝ դրանք կդառնան չոր և ճաքճքած։ Սակայն կա դրանից խուսափելու միջոցներ։

ԽՈՆԱՎԱՑՐՈՒ
Իսկ դու գիտե՞ս, որ շուրթերն արտազատում են ավելի շատ խոնավություն, քան մարմնի ցանկացած այլ հատված։ Իսկ խոնավության կորստի արդյունքում շուրթերը դառնում են ձիգ և ճաքճքում։ Այդ պատճառով չափազանց կարևոր է պահպանել օրգանիզմում հեղուկի անհրաժեշտ մակարդակը՝ ամեն օր խմելով 8 բաժակ ջուր։

ՄԻԱՅՆ ԱՌԱՆՑ ՁԵՌՔԵՐԻ
Այո, երբեմն այնպես ես ուզում բռնել շերտազատված կաշին և հեռացնել այն շուրթերից։ Սակայն սա չի կարելի անել ոչ մի դեպքում։ Գրգռվածությունը կարող է հանգեցնել արյունահոսության։, իսկ բաց վերքը կարող է դառնալ լրջագույն վարակի զարգացման պատճառ։

ՄԵՂՐԱՄՈՄ
Նախապատվությունը տուր մեղրամոմ պարունակող շուրթերի բալզամին (օրինակ՝ Tender Care)։ Այն պահում է խոնավությունը, ստեղծում պատնեշ, որը թույլ չի տալիս միկրո ճաքերի միջոցով վարակի ներթափանցումը, ինչպես նաև պաշտպանում շուրթերը վատ եղանակից։
Հետաքրքիր փաստ․ Յուրաքանչյուր րոպե աշխարհում վաճառվում է Tender Care-ի 7 սրվակ։

«Շուրթերն արտազատում են ավելի շատ խոնավություն,
քան մարմնի ցանկացած այլ հատված»։

Избавляемся от потрескавшихся губ

ՊԱՇՏՊԱՆՎԻՐ
Երբ եղանակը չափազանց սառն է կամ քամոտ, դեմքը փակիր շարֆով։ Սա կպաշտպանի ցրտահարվելուց և ճաքճքած շուրթերից։

ՄԻ՛ ՄՈՌԱՑԻՐ ՍԿՐԱԲԻ ՄԱՍԻՆ
Շաբաթը մեկ անգամ օգտագործիր շուրթերի նուրբ սկրաբ՝ շերտազատվող մաշկը հեռացնելու համար։ Դու կարող ես նաև շուրթերի մակերեսը զգուշորեն մաքրել ատամի խոզանակի օգնությամբ, կարևոր է չմոռանալ պրոցեդուրայից հետո տարածել հանգստացնող բալզամ։

SPF
Ինչպես մարմնի այլ հատվածները, շուրթերի մաշկը նույնպես շատ կարևոր է պաշտպանել արևի վնասակար ճառագայթներից։ Անկախ եղանակից՝ մշտապես օգտագործիր SPF պարունակող շուրթերի բալզամ։

ՄԻ՛ ԼՊՍՏԻՐ
Շուրթերը լպստելու դեպքում դու «լվանում» ես բնական պաշտպանիչ շերտը, ինչի արդյունքում շուրթերը չորանում են և ճաքճքում։

ՀԵՏԵՎԻՐ ՍՆՆԴԱԿԱՐԳԻՆ
Քո ընդունած սնունդը նկատելիորեն անդրադառնում է շուրթերի առողջության վրա։ А վիտամին պարունակող սնունդը (հավկիթ, կաթ, գազար) օգնում է պահպանել և վերականգնել առողջությունը, իսկ Е վիտամինը, որով հարուստ է տերևաբանջարեղենը, օգնում է մաշկը պահպանել հարթ և կանխարգելում կնճիռների առաջացումը։

ՄԻ՛ ՄՈՌԱՑԻՐ ՇՆՉԵԼ
Խուսափիր բերանով շնչելուց։ Այսպես շուրթերդ ավելի են չորանում։ Հիշի՛ր՝ միայն քթով։

Տեքստ Ֆոտո Fotolia & Oriflame Editorial Team