ՉՈՐ ՄԱՇԿ, ԱՆԱՀԱՄԱՉԱՓ ԵՐԱՆԳ
Լուծում․«Մի կողմ դիր օճառը և մոռացի՛ր շատ սառը կամ շատ տաք ջրի մասին։ Դրա փոխարեն օգտագործիր կաթ պարունակող մաքրող և խոնավացնող միջոցներ։ Շաբաթը երկու անգամ՝ խոնավացնող քսուքը օգտագործելուց առաջ, դեմքը մաքրիր նուրբ շերտազատող միջոցով։ Ամեն օր ցերեկային և գիշերային քսուքը տարածելուց առաջ օգտագործիր սնուցող շիճուկ»։
Էվա Մարինվիլ՝ մաշկի հակատարիքային խնամքի փորձագետ
Լուծում․ «Ընտրիր ամենանուրբ մաքրող ու խոնավացնող միջոցները, որպեսզի դրանք ունենան հնարավորինս թեթև բաղադրություն։ Կանոնավոր կերպով օգտագործիր սկրաբ կամ այլ շերտազատող միջոցներ»։
Ալեն Մավոն՝ Մաշկի հետազոտության կենտրոնի տնօրեն
Խնդիրը՝ ԼԱՅՆ ԵՎ ՆԿԱՏԵԼԻ ԾԱԿՈՏԻՆԵՐ
Լուծում․ « Ծակոտիները զուրկ են մկաններից, դրա պատճառով դրանք չեն կարող լայնանալ կամ փոքրանալ։ Սակայն օրական երկու անգամ դեմքը լվանալու և մաշկի մաքրող գործիքը կիրառելու դեպքում՝ քո ծակոտիները կլինեն ավելի աննկատ։ Իսկ մաքրող կավե դիմակները կօգնեն ծակոտիներից հեռացնել ավելորդ յուղը»։
Մելինա Գալեադի՝ «Մաշկի խնամքի միջոցներ» կատեգորիայի փորձագետ
Խնդիրը՝ «ՊԱՐԿԵՐ» ԱՉՔԵՐԻ ՏԱԿ
Լուծում․ «Աչքերի տակ հատվածի մաշկը շատ նուրբ է, այդ պատճառով անհրաժեշտ է լավ քսուք՝ մշակված հատուկ այս հատվածի համար։ Լավագույն տարբերակը գնդիկավոր գլխիկով քսուքն է, սակայն քսուքը կարելի է տարածել նաև մատների թեթևակի հարվածներով՝ այդ կերպ ապահովելով թեթևակի մերսում։ Դիմահարդարումը չի կարելի մաքրել տաք ջրով, սա կարող է գրգռել մաշկը։Քեզ անհրաժեշտ է աչքերի հարդարումը մաքրող միջոց, սակայն այն նույնպես պետք է զգուշորեն կիրառել՝ գրգռվածություն չառաջացնելու և բարակ անոթները չվնասելու համար։
Նիկոլա Կեռնս՝ Առաջատար գիտական կենտրոնի աշխատակից, կլինիկական և սպառողական թեստավորումների բաժին։
Խնդիրը՝ ԿԱՐՄՐԱԾՈՒԹՅՈՒՆ
Լուծումը. « Խուսափի՛ր չափից շատ տաք և սառը ջրից, քանի որ այն գրգռում է մազանոթները և առաջացնում կարմրածություն։ Հնարավոր է, որ քո մաշկը զգայուն է արևի նկատմամբ, այդ պատճառով մշտապես օգտագործիր SPF պարունակող ցերեկային քսուքներ կամ խուսափիր արևի ուղիղ ճառագայթներից (լավ է անել երկուսը միասին)։ Եթե մաշկդ ունի գրգռվածության հակվածություն, փորձիր հանգստացնող դիմակներ։
Էվա Մերինվիլ՝ մաշկի հակատարիքային խնամքի փորձագետ։
Խնդիրը՝ ԲԾԵՐ, ԳՈՒՆԱԿԱՅԻՆ ՀԵՏՔԵՐ
Լուծումը․ «Արևի տակ գտնվելը կարող է հանգեցնել գունակային հետքերի առաջացման, այդ պատճառով SPF պարունակող ցերեկային քսուքն անհրաժեշտ միջոց է բոլորի համար՝ առանց բացառության։ Ինչ վերաբերում է բծերին, ապա կարող ենք խորհուրդ տալ օգտագործել E վիտամին պարունակող միջոցներ»։
Նիկոլա Կեռնս՝ Առաջատար գիտական կենտրոնի աշխատակից, կլինիկական և սպառողական թեստավորումների բաժին։
Խնդիրը՝ ԿՆՃԻՌՆԵՐ
Լուծումը. «Կնճիռները մաշկի ծերության արդյունք են, որն ավելի է արագանում՝ շնորհիվ ուլտրամանուշակագույն ճառագայթների ազդեցության։ Սա կանխելու համար անհրաժեշտ է SPF-ով քսուք։ Կարևոր է նաև հետևել մաշկի խոնավության մակարդակին և խմել շատ ջուր»։
Ալեն Մավոն՝ Մաշկի հետազոտության կենտրոնի տնօրեն
