«Մարդիկ հաճախ կարծում են, որ ճաշի ընթացքում ստացած ավելորդ «վատ» կալորիաները հեշտությամբ կայրեն մարզասրահում, հատկապես եթե մարզումներից հետո ունենան քաղցի զգացողություն։ Սակայն, բազմաթիվ հետազոտությունների համաձայն, մենք, որպես կանոն, հաճախ գերագնահատում ենք մեր ֆիտնես վարժանքների ինտենսիվությունը՝ ծախսած էներգիայի առումով։ Միևնույն ժամանակ մենք թերագնահատում ենք ստացված կալորիաների քանակությունը։ Մենք հաճախ մոռանում ենք ճաշերից առաջ փոքրիկ նախուտեստների մասին՝ ըմպելիքներ, կես խնձոր, ընկուզեղեն, սակայն չէ՞ որ դրանք էլ են պարունակում կալորիաներ, որոնք ժամանակի ընթացքում վերածվում են ավելորդ կիլոգրամների։ Սա պարզ մաթեմատիկա է։ Նիհարելու համար անհրաժեշտ է այրել ավելի շատ էներգիա, քան օգտագործում ես».- բացատրում է Էլիզաբեթը։
ԱՄԲՈՂՋ ՀԱՐՑԸ ՍՆՆԴԱԿԱՐԳՆ Է
Եթե ակտիվ մարզվում ես, այնուհետև ընդունում վնասակար սնունդ կամ պարզապես չափից շատ ուտում, ապա դու չես կարողանա ազատվել ավելորդ քաշից։ Քաղցի զգացողությունը երկար ժամանակ չունենալու համար ընդունիր բջջանյութով և սպիտակուցով հարուստ սնունդ։ Այն կարծիքը, որ ածխաջրերը չարիք են, լիովին սխալ է։ Դրանք հաշվեկշռված սննդակարգի անբաժանելի մասն են, այդ պատճառով կո կերակուրի կեսը պետք է կազմի բանջարեղենը։ Իսկ ահա քաղցր ըմպելիքներից անհրաժեշտ է ազատվել։».
ՄԿԱՆՆԵՐԻ ՃԱՐՊԻ ԴԵՄ
Մկանային հյուսվածքի մեկ կիլոգրամն ունի նույն քաշը, ինչ ճարպի կիլոգրամը։ Սակայն քանի որ մկանային հյուսվածքը առավել խիտ է, այն քո մարմնում զբաղեցնում է ավելի քիչ տարածք, քան ճարպը։ Այդ պատճառով շատ մարզվելու դեպքում մարմինդ դառնում է ավելի գեղեցիկ և ձիգ, իսկ քաշն ավելանում է։ Առաջընթացը գնահատիր ոչ թե կիլոգրամներով, այլ գոտկատեղի և ադրերի ծավալով։ Եթե այս ցուցանիշները նվազում են, ապա ամենայն հավանականությամբ, դու ճիշտ ուղու վրա ես։
ՋՐԻ ՔԱՇԸ
Մեր մարմնի մոտավորապես 80%-ը կազմում է ջուր։ Այդ պատճառով քաշը կարող է օրեցօր փոխվել, ընդ որում նաև ավելանալ։ Ջրի ավելցուկ չկուտակելու համար պետք է կատարել ֆիզիկական վարժություններ, խմել ջուրն անհրաժեշտ քանակությամբ (քանի որ ջրազրկման դեպքում օրգանիզմը պահում է հեղուկի պաշարներից), խուսափել աղի սնունդից և ուտել բջջանյութով հարուստ սնունդ։
Կարդիովարժանքները, ինչպիսիք են վազքն ու հեծանվավազքը, թույլ կտան վարժանքներ կատարելիս այրել ավելի շատ կալորիա։ Ուժային վարժությունները օգնում են այրել կալորիա ողջ օրվա ընթացքում։ Այս վարժանքների տեսակներն անհրաժեշտ է համակցել։ Բացի այդ, որոշ օգտակար սովորույթներ կօգնեն մշտապես պահպանել գեղեցիկ կազմվածք և կալորիաներն այրել դեպի աշխատանք կամ տուն ճանապարհին։ Բարձրացիր աստիճաններով, ոչ թե վերելակով, տրանսպորտը լքիր մեկ-երկու կանգառ շուտ, գնիր քայլաչափ, առողջ մարդու համար սահմանված նորման օրական նվազագույնը 10000 քայլն է։
ԵԶՐԱՀԱՆԳՈՒՄ
Մարդկանց մեծամասնության համար կատարյալ քաշին հասնելն ավելի հեշտ է ճիշտ սննդակարգի, քան ծանրաբեռնված վարժությունների միջոցով։ Սակայն, եթե քո նպատակը ոչ միայն նիհարելն է, որքան առողջ կենսակերպով ապրելը, ապա անհրաժեշտ է համատեղել ճիշտ սննդակարգը և ֆիզիկական ծանրաբեռնվածությունը։ Անհրաժեշտ է նաև տալ սեփական գործողությունների և դրանց արդյունքների օբյեկտիվ գնահատականը։ Եթե մեկ ամիս տևողությամբ երեկոյան վազքից հետո հանկարծ նկատել ես քաշի ավելացում, ամենայն հավանականությամբ, դու ընդունում ես սահմանվածից ավելի շատ սնունդ կամ սնունդը առողջ չէ։ Կոլան փոխարինիր պարզ ջրով, ավելի շատ քայլիր, հրաժարվիր արագ սնունդից, դեպի առողջություն և գեղեցկություն տանող ուղին սկսվում է այս պարզ, սակայն չափազանց կարևոր քայլերից։
