Ես հոգ կտանեմ իմ մասին ողջ ամռան ընթացքում՝ Տատյանա Ռիբակովայի լայֆհաքերը:

 

Մենք բոլորս անհամբեր սպասում ենք ամռանը, հաճելի տաք օրերին, որոնք ուրախությամբ ցանկանում ենք անցկացնել բնության մեջ, արևի ներքո, բայց մենք պետք է պատրաստ լինենք այս շրջանին՝ օքսիդատիվ սթրեսի տեսանկյունից: Ժամանակակից գիտությունն արդեն ապացուցել է, որ գեղեցկությունն ու երիտասարդությունը կախված են ոչ միայն արտաքին խնամքից, այլ հորդում են ներսից։

Առողջ քունը, սնունդը, բավարար ֆիզիկական ակտիվությունը և վատ սովորություններից հրաժարումը լավ ինքնազգացողության հիմքն են դառնում, բայց փոփոխվող աշխարհի պայմաններում՝ իր ռիթմով և էկոլոգիայով, հաճախ պարզվում է, որ սա բավարար չէ: Ինչո՞ւ և ի՞նչ անել այս դեպքում: Նախ և առաջ դիտարկենք մի քանի կարևոր եզրույթներ:  

 

Ի՞նչ է օքսիդատիվ սթրեսը:

Օքսիդատիվ սթրեսը վիճակ է, որը բնորոշվում է օրգանիզմում ազատ ռադիկալների մեծ քանակությամբ: Սա շղթայական ռեակցիա է առաջացնում՝ հանգեցնելով բջիջների ամբողջականության խաթարմանը կամ ոչնչացմանը:

Պետք չէ վախենալ, սա բնական գործընթաց է, օրինակ՝ ամեն երրորդ րոպեին օքսիդատիվ սթրեսի ազդեցությամբ միլիարդավոր բջիջներ են մահանում:

 

Ի՞նչ է նշանակում ազատ ռադիկալներ:

Ազատ ռադիկալներն առանց մեկ էլեկտրոնի մոլեկուլներ են, որոնք գործում են որպես ագրեսիվ օքսիդիչներ՝ անընդհատ առաջանալով առողջ օրգանիզմում: Դրանք իմունային համակարգի աշխատանքի կարևոր բաղադրիչ են, քանի որ վերջիններիս աշխատանքն ուղղված է մանրէների և մուտացվող բջիջների դեմ:

 

Մեծ քանակությամբ ազատ ռադիկալներ ձևավորվում են հատկապես անբարենպաստ գործոններից, ինչպիսին են վատ սովորությունները (ծխելը, ալկոհոլը), վատ էլոկոգիան, ուլտրամանուշակագույն ճառագայթումը: Դրանց քանակն օրգանիզմում աճում է նաև D վիտամինի դեֆիցիտի և բազմաթիվ հիվանդությունների պատճառով, ինչպես օրինակ ճարպակալումը, շաքարային դիաբետը, երկրորդ տեսակի շաքարախտը, հորմոնային համակարգի աշխատանքի խանգարումը:

 

Ինչի՞ է հանգեցնում օքսիդատիվ սթրեսը:

Երկար ժամանակ օքսիդատիվ սթրեսային վիճակում լինելը նպաստում է քրոնիկ հոգնածության սինդրոմի ձևավորմանը, երբ մարդն ուժ չունի, ինչպես նաև քնկոտության, էմոցիաների տատանումների, մեծանում է նաև քրոնիկ հիվանդությունների առաջացման և գլխուղերի աշխատանքի խանգարման ռիսկը։

 

Ինչպե՞ս օգնել օրգանիզմին:

 

Բացի վերը նշված առողջության հիմնական սկզբունքներից, ձեր մասին հոգ տանելու կարևորագույն կանոնը համալիր խնամքն է, որը ներառում է հակաօքսիդիչների ընդունում՝ համապատասխան արտաքին խնամք օրգանիզմի ամենակարևոր պաշտպանիչ օրգանի՝ մաշկի համար:

Հակաօքսիդիչները մոլեկուլներ են, որոնք թույլ չեն տալիս են ազատ ռադիկալների պատճառով առաջացող օրգանիզմի համար վնասակար շղթայական ռեակցիաների զարգացումը: Դրանցից շատերը ծանոթ են ձեզ՝ C վիտամինը ցիտրուսներում և կարմիր տաքդեղում, E վիտամինը բուսայուղերում և ընկույզներում, բետա կարոտինը ստեպղինում և մաղադանոսում, Q10 կոֆերմենտը տավարի մսում և ծովատառեխում կամ ֆլավոնոիդները կանաչ թեյում և հատապտուղներում:

Շատերի ռացիոնում չափից շատ են ռաֆինացված և մշակված մթերքները, որոնց սննդային արժեքը ցածր է: Բացի դա մենք սիրում ենք ամառային շրջանն անցկացնել արևին, պաղպաղակ վայելելով, ինչը մեր մանկության ամենասիրելի սովորությունն էր, իսկ այժմ՝ սպառնալիք մեր իմունային համակարգին՝ երկարաժամկետ հեռանկարներում: Ես չեմ ասում, որ պետք է միշտ թաքնվել արևից կամ երբեք պաղպաղակ չուտել, բայց արժե ամռանը կենսակերպում մի քանի փոփոխություն անել: 

 

1. Պաշտպանվեք արևից

Դուրս մի եկեք օրվա ամենաթեժ պահին, ծածկեք մաշկի զգայուն հատվածները, օգտագործեք արևապաշտպան միջոցներ և գլխարկ դրեք:

2. Հետևեք սննդի ռացիոնին

Ավելացրեք բանջարեղենների, կանաչիների և հատապտուղների քանակը ռացիոնում: Դրանցում պարունակվող ֆիտոսննդանյութերն օժտված են հակաօքսիդիչ և հակաբորբոքային հատկություններով, որոնք վերահսկում են ազատ ռադիկալները և պաշտպանում են օքսիդատիվ սթրեսից: Թող ձեր ափսեում լինեն ծիածանի բոլոր գույները, ինչը կնշանակի, օգտակար նյութերի առավելագույն բազմազանություն: Մի անտեսեք նաև օգտակար ճարպերի աղբյուրներն՝ ընկույզի, յուղի և ձկան տեքսով: Միջերկրածովային սննդակարգն առավել մոտ է ամառային ռեժիմին և ձեզ հնարավորություն կընձեռի պահպանել առողջ մարսողությունն ու լավ տրամադրությունը:

 

3. Հետևեք խոնավացմանը ներսից և արտաքինից

Խոնավացման հարցն ամռան ամիսներին հատկապես սուր է, դուք չպետք է ծարավի զգացողություն ունենաք. դրա չնչին առկայությունն անգամ վկայում է, որ օրգանիզմը ջրազրկված է: Ամռան շրջանում նաև հատուկ ուշադրություն դարձրեք մաշկին. ես ավելացնում եմ NovAge խոնավացնող էսենցիան՝ որպես համալիր խնամքի մաս, այսպիսի բանաձևը վաղուց արժանացել է համաշխարհային բյութի-աշխարհի հավանությանը՝ շնորհիվ ասիական երկրների: Մուլտիակտիվ ծովային պրիբիոտիկներով  հարուստ էսենցիան վերականգնում է մաշկի միկրոֆլորան, խոնավացնում է, նպաստում է ծակոտիների նեղացմանը:  Այն վերականգնում է մաշկը, ամրացնում է էպիդերմիսը, լավացնում է մաշկի գույնը և ավելի առողջ տեսք է հաղորդում:

Ճիշտ խոնավացումը գեղեցիկ և առողջ մաշկի երաշխիքն է: Երբ մաշկը լավ է խոնավացված, նրա պաշտպանիչ գործառույթները մեծանում են, այն պայքարում է շրջապատող միջաայրի վնասակար ազդեցության դեմ, թարմ և գեղեցիկ տեսք է ստանում: Ցանկացած միջոցի խնդիրը ոչ միայն ուղղակի խոնավության պահպանումն է, այլև ստիպելն է գործել հօգուտ մաշկի: Բաղադրության մեջ պարունակվող բաղադրիչները կլանում են խոնավությունը և փոխանցում են այն մաշկի բջիջներին: Նրանք նաև հիդրոֆիլային պատյան են ստեղծում, որը մեծացնում է էպիդերմիսի պաշտպանիչ պատնեշը:

 

4. Հավելյալ հակաօքսիդիչներ ընդունեք

Օրգանիզմի սեփական հակաօքսիդիչ պաշտպանությունը միշտ չէ, որ կարող է պայքարել օքսիդատիվ սթրեսի հարձակման դեմ,  այդ իսկ պատճառով շատ օգտակար կլինեն «Աստաքսանտին և հապալասի մզվածք» համալիրի պատիճները, որոնք պարունակում են բնական կարոտինոիդ աստաքսանտին, որը եզակի կառուցվածք ունի՝ տարբեր մյուս հակաօքսիդիչներից, ինչը թույլ է տալիս նրան ամբողջությամբ կլանել բջիջն ու ապահովել նրա պաշտպանությունը ներսից: Արտադրանքի օգտակար հատկություններն ուժեղացնելու համար, նրանում առկա է նաև Շվեդիայի անտառների հապալաս,  ինչպես նաև C և E վիտամիններ: Այս համադրությունը ուժեղացնում է օրգանիզմի հակաօքսիդիչ հատկությունները՝ պաշտպանելով բջիջները  քայքայիչ օքսիդատիվ սթրեսից

5. Հանգիստ եղեք

Հոգեբանական վիճակն ուղղակիորեն ազդում է օքսիդատիվ սթրեսի մակարդակի վրա. չենք կարող չնշել, որ մեր կյանքը լի է բազմաթիվ իրադարձություններով, որոնք երբեմն մեզ շեղում են բնականոն ռիթմից: Այստեղ կարող եմ խորհուրդ տալ շնչառական վարժություններ, մեդիտացիա, զբոսանքներ մաքուր օդին և շփում հարազատ մարդկանց հետ: Փնտրեք ուրախանալու առիթներ անգամ մանրուքներում: