Ինչպես դառնալ ավելի երջանիկ

Անգամ ամենահաջողակ մարդիկ չեն հրաժարվի ավելի երջանիկ լինելու հնարավորությունըշից։ Առաջարկում ենք կենսակերպը բարելավելու 10 տարբերակ։ Փորձի՛ր հենց հիմա։

1.  ԶԲԱՂՎԻ՛Ր ՍՊՈՐՏՈՎ 
Մարզվելու ընթացքում քո օրգանիզմն արտադրում է էնդորֆիններ՝ քիմիական միացություններ, որոնք առաջացնում են էյֆորիկ վիճակ և նվազեցնում ցավը։ Սպորտով զբաղվելու ժամանակ նվազում է նաև կորտիզոլի՝ սթրեսի հորմոնի մակարդակը, ինչի արդյունքում դառնում ես ավելի հանգիստ և զգում ավելի երջանիկ։ 

2. ՔՈՒՆՆ ԱՌՆԵԼ 
Իսկ դու գիտե՞ս, որ բացասական և դրական էմոցիաների համար պատասխանատու են քո ուղեղի տարբեր հատվածներ։ Ինչպես ցույց են տալիս հետազոտությունները, քնի պակասը հանգեցնում է նրան, որ գիտակցությունը կենտրոնանում է միայն բացասականի վրա։ Այդ պատճառով որքան լավ ես քնում, այնքան դրական են քո մտքերը, իսկ տրամադրությունդ՝ բարձր։
 
3. ՇՓՎԻՐ 
Մարդը սոցիալական էակ է։ Անգամ ինտրովերտները հաճույք են ստանում ընկերների կամ ընտանիքի հետ շփվելիս։ Վիճակագրությունը ցույց է տալիս, որ շփվող մարդիկ առանձնանում են առավել ամուր առողջությամբ և ապրում են ավելի երկար։ Առաջարկում ենք հենց այս պահին զանգահարել և շփվել վաղեմի ընկերների հետ։ 

4. ԸՆԴՈՒՆԻ՛Ր ԱՐԵՎԱՅԻՆ ԼՈԳԱՆՔՆԵՐ 
Արևային օրերին մեր օրգանիզմը ուժեղացնում է սերոտոնինի նեյրոմեդիատորի արտադրությունը, սա հաճախ անվանում են երջանկության հորմոն։ Այն ամենն, ինչ դրա համար անհրաժեշտ է՝ մաքուր օդին 20 րոպե տևողությամբ զբոսանքն է։

5. ԺԱՄԱՆԱԿ ԱՆՑԿԱՑՐՈՒ ԲՆՈՒԹՅԱՆ ԳՐԿՈՒՄ 
Բնության հետ շփումը՝ լինի դա զբոսանք մոտակա անտառում կամ սեփական այգու մշակումը, անպայման կբարձրացնի քո տրամադրությունը։ Ի զուր չէ, որ գիտնականները պնդում են՝ կենսական էներգիան բարձրացնելու համար անհրաժեշտ է ուսումնասիրել կանաչ սաղարթները։

6. ՕԳՆԻ՛Ր ՄԱՐԴԿԱՆՑ 
Ինչպես ասում են, լավ է տալ, քան վերցնել, և այստեղ կա ճշմարտություն։ Ուսումնասիրությունները ցույց են տալիս, որ այն մարդիկ, ովքեր ժամանակ են հատկացնում կամ կիսվում են որևէ բանով այլ մարդկանց հետ, զգում են իրենց առավել երջանիկ։

7. ՁԵՔ ԲԵՐ ՏՊԱՎՈՐՈՒԹՅՈՒՆՆԵՐ, ՈՉ ԹԵ ԻՐԵՐ 
Ապացուցված է. Եթե գումար ես վատնում նոր փորձ կամ պարզապես նոր տպավորություններ ստանալու համար, դա հաղորդում է ավելի շատ երջանկության զգացողություն, քան պարզապես որևէ իր գնելու դեպքում։ Այդ պատճառով էլ եթե պետք է ընտրես նոր կոշիկներ գնելու և ընկերուհիների հետ ռեստորանում ընթրելու միջև, նախապատվությունը տուր ընթրիքին։ Այն քեզ առավել կերջանկացնի։ 

8. ԺՊՏԱ 
Հիշել որևէ հաճելի բան և ժպտալ այդ հուշերից՝ սա տրամադրությունը բարձրացնելու ստուգված մեթոդ է։ Անգամ բացարձակապես ժպտալու ցանկություն չունենալու դեպքում այս մեթոդն աշխատում է։ 

9. ԶԲԱՂՎԻ՛Ր ՄԵԴԻՏԱՑԻԱՅՈՎ 
Կանոնավոր կերպով մեդիտացիայով զբաղվելը հանում է սթրեսը և բարձրացնում երջանկության զգացողությունը։ Մեդիտացիայով զբաղվել սկսելու համար բավական է ներբեռնել ուսուցանող հավելված կամ գրանցվել կուրսերի։

10. ՇՆՈՐՀԱԿԱԼ ԵՂԻ՛Ր 
Քնելուց առաջ նշիր երեք բան, որոնց համար դու շնորհակալ ես։ Դրանք կարող են լինել փոքրիկ կամ հակառակը՝ մեծ, նշանակալի իրադարձություններ։ Որպես տարբերակ՝ կիսիր շնորհակալական զգացմունքդ ընկերոջդ կամ գործընկերոջդ հետ՝ սա հիանալի միջոց է քնից առաջ տրամադրությունը բարձրացնելու համար։ Հիշի՛ր այն լավագույնը, որ կատարվել է անցնող օրվա ընթացքում։


Տեքստ Ֆոտո Getty Images