Դեմքի քարտեզ․ Ի՞նչ են մեզ հուշում բշտիկները

Եթե տհաճ երևույթներն ամեն անգամ հայտնվում են դեմքի նույն հատվածում, ապա խնդիրն ավելի խորն է։ Օգնության է հասնում դեմքի քարտեզը կազմելու հին չինական ավանդույթը։ Պատմում ենք, ինչի՞ վրա պետք է ուղղեք ձեր ուշադրությունը։

ՃԱԿԱՏ

Դեմքի քարտեզ կազմողները վստահեցնում են, որ ճակատն արտացոլում է նյարդային և մարսողական համակարգի վիճակը։ Ճակատի վրա ցանը սովորաբար սթրեսի հետևանք է, իսկ դա նշանակում է, որ այս հարցում կարող են օգնել յոգան կամ մեդիտացիան։ Մարսողական օրգաններին օգնելու համար մի՛ մոռացիր խմել բավականաչափ քանակի ջուր և սննդակարգիդ մեջ ներառիր միրգ, բանջարեղեն և հացաբույսեր։

ՀՈՆՔԵՐԻ ՄԻՋԵՎ ԸՆԿԱԾ ՀԱՏՎԱԾՈՒՄ
Հոնքերի միջև պարբերաբար խնդիր նկատելու դեպքում ուշադրություն դարձրում երիկամներին, լյարդին և մարսողական օրգաններին։ Հրաժարվի՛ր ալկոհոլից, յուղոտ սննդից և ծխախոտից՝ բոլոր այն վնասակար սովորույթներից, որոնք այդ օրգանների վրա բացասաբար են անդրադառնում։ Պատճառը կարող է լինել կաթնամթերքի և ցորենից պատրաստված սննդի անհատական անտանելիությունը։


ՔԻԹ
Ավանդական բժշկության կողմնակիցները կարծում են, որ քիթը կապված է ամբողջ շնչառական համակարգի՝ մասնավորապես թոքերի, ինչպես նաև սրտի հետ։ Եթե արդեն հոգնել ես այս հատվածում պարբերաբար ցան նկատելուց, արժե ստուգել ճնշումը և անցնել ավելի ցածր գլիկեմիկ ինդեքսով սննդի։ Ինչպես նաև հնարավոր է՝ արժե մտածել սննդակարգից միսը, սուրճը, ալկոհոլը և կծու ճաշատեսակները բացառելու մասին։

ԱՋ ԱՅՏ

Չինական բժշկության մեջ մարմնի աջ և ձախ հատվածները ունեն մեծ նշանակություն։ Աջ այտի վրա ցան նկատելու դեպքում հնարավոր է քո թոքերն ունեն հատուկ ուշադրության կարիք։ Քեզ կօգնեն կանոնավոր կարդիո, շնչառական վարժությունները և ծխախոտից հրաժարվելը։ Աջ այտը ծառայում է նաև որպես արյան մեջ շաքարի մակարդակի ինդիկատոր, այնպես որ լա՛վ մտածիր հավելյալ թխվածքաբլիթ ուտելուց առաջ։

ՁԱԽ ԱՅՏ
Ձախ այտը կապված է լյարդի հետ, այդ պատճառով եթե ձախ այտին նկատել ես անսովոր երևույթ, հրաժարվի՛ր ալկոհոլից և յուղոտ սննդից՝ առողջ ապրելակերպը և ճիշտ սննդակարգը կօգնեն շտկել իրավիճակը։

 ՔԹԻ ԵՐԿՈՒ ԿԱՂՄԵՐԻ ՀԱՏՎԱԾԸ
Այս հատվածում առաջացած խնդիրները հաճախ կապված են բարակ աղիքի վիճակի հետ։ Խուսափի՛ր շատ սառը ըմպելիքներ և վարի՛ր սննդի օրագիր, որպեսզի հստակ որոշես, թե կոնկրետ ինչն էր հանդիսացել խնդրի առաջացման պատճառ։

 

ԿԶԱԿ
Կզակի շրջանում  մաշկի վիճակի փոփոխությունները կարող են կապված լինել փայծաղի, մարսողական համակարգի կամ երիկամների հետ։ Այս խնդիրը հնարավոր է լուծել առողջ սննդի և ակտիվ կենսակերպի միջոցով։ Բացի այդ, կզակի վրա առաջացած ցանը կարող է վկայել հորմոնալ խախտումների մասին, այդ պատճառով էլ հաճախ դրանք հայտնվում են դաշտանից առաջ։ Այս առումով իր խորհուրդը կարող է տալ մաշկաբանը։

ՍՏՈՐԻՆ ԾՆՈՏԻ ԳԻԾ
Ստորին ծնոտի ուղղությամբ ցանը կարող է վկայել հաստ աղիքի, մասնավորապես՝ ուղիղ աղիքի հետ խնդիրների մասին, այդ պատճառով փորձի՛ր սննդակարգի մեջ ներառել ավելի շատ մթերքներ, որոնք հարուստ են բջջանյութով և խմիր մեծ քանակությամբ ջուր։ Բացի այդ, դա կարող է վկայել ատամների հետ կապված խնդրի մասին, ուստի սա ազդակ է ատամնաբուժին այցելելու համար: Հորմոնալ խախտումը նույնպես կարող է անդրադառնալ այս հատվածի մաշկի վիճակի վրա։

ՕՐԻՖԼԵՅՄԻ ՓՈՐՁԱԳԵՏ ՄԵԼԻՆԱ ԳԱԼԵԱԴԻՆ ԽՈՐՀՈՒՐԴ Է ՏԱԼԻՍ

Մաշկի համալիր խնամք՝ առողջ կենսակերպի կարևոր բաղադրիչ, որը կոչված է օգնել ապահովելու մաշկի գերազանց տեսքը։ Բացի այդ, հետևի՛ր բջջային հեռախոսիդ և դիմահարդարման վրձիններիդ մաքրությանը, մի դիպչիր դեմքին՝ առանց անհրաժեշտության, և քսուքը տարածելուց առաջ պարտադիր լվացվիր։ Այս փոքրիկ խորամանկությունները կարող են ապահովել նկատելի արդյունք։ Այնուամենայնիվ, ցան առաջանալու դեպքում, անպայման համոզվիր, որ դա որևէ արտադրանքի դեմ ռեակցիա չէ, ինչը պատահում է բավականին հաճախ։ Այն դեպքում, երբ բավականին երկար ժամանակ ունես ակնեի խնդիր, արժե այցելել համապատասխան մասնագետի․ բժիշկ-մաշկաբանը կօգնի պարզել իրական պատճառը։






Տեքստ Ֆոտո Oriflame