ԽՈՐՀՈՒՐԴ №1․ ՔՈՂԱՐԿՈՒՄ
Չափազանց չոր, ջրազրկված մազերը միշտ էլ տհաճ են, սակայն ամռանը դրանից խուսափելը գրեթե անհնար է։ Այս խնդիրը լուծելու և մազերի վնասումը կանխարգելելու հարցում կարող է օգնել մազերի սնուցող և հագեցած դիմակը։
ԽՈՐՀՈՒՐԴ №2․ ՊԱՇՏՊԱՆՈՒԹՅՈՒՆ ԱՐԵՎԻՑ
Չափից շատ արևը վնասակար է մազերի համար․ դրանք չորանում են և թուլանում, այդ պատճառով էլ խորհուրդ ենք տալիս վնասակար ճառագայթումից դրանք պաշտպանել գլխարկի օգնությամբ կամ գլխի շուրջ նորաձև պտտած շարֆով։
ԽՈՐՀՈՒՐԴ №3․ ԽՈՆԱՎԱՑՈՒՄ
Շոգն ու խոնավությունը ունակ են փչացնել ցանկացած սանրվածք, սակայն բավական է արգանի կամ կոկոսի յուղի ընդամենը մի քանի կաթիլ՝ մազերը կարգի բերելու, դրանք խոնավացնելու և հավաքելու համար։
ԽՈՐՀՈՒՐԴ №4. ԼՈՂԱՎԱԶԱՆ ՍՈՒԶՎԵԼՈՒՑ ԱՌԱՋ
Ծով կամ լողավազան սուզվելուց առաջ մազերը ջրով թրջիր։ Չոր մազերով սուզվելու դեպքում դրանք միանգամից կներծծեն քլորն ու աղը։
ԽՈՐՀՈՒՐԴ №5. ԼՈՂԱՆԱԼՈՒՑ ՀԵՏՈ
Ամենից հեշտը խոնավ մազերը վնասելն է, սա հայտնի փաստ է։ Սակայն եթե խճճված մազերը մինչև չորանալը չսանրես, հետագայում դա անցավ անելը պարզապես անհնար է։ Այդ պատճառով խորհուրդ ենք տալիս քեզ հետ լողափ վերցնել լայն ատամիկներով սանր և չլվացվող կոնդիցիոներ, որն անհրաժեշտ է տարածել ջրից դուրս գալուց անմիջապես հետո։
ԽՈՐՀՈՒՐԴ №6. ՄԱՔՐԱՋՐՈՒՄ
Աղի ջուրն ու քլորը չորացնում և վնասում են մազերը։ Մենք խորհուրդ ենք տալիս լողալուց անմիջապես հետո մազերը լվանալ մաքուր ջրով և տարածել չլվացվող կոնդիցիոներ։
ԽՈՐՀՈՒՐԴ №7. ԼՎԱՑՈՒՄ
Լողավազանում և ծովափում մի ամբողջ օրն անցկացնելուց հետո քո մազերին անհրաժեշտ է հավելյալ խնամք։ Դրանք անհրաժեշտ է լվանալ վերականգնող շամպունով, որը կլվանա անցանկալի նյութերը, իսկ վերջում օգտագործիր նաև կոնդիցիոներ՝ մազերը վերականգնելու և խոնավացնելու համար։
ԽՈՐՀՈՒՐԴ №8. ԳԵՂԵՑԿՈՒԹՅՈՒՆ ԵՎ ԽՆԱՄՔ
Մազերը չորացնելու լավագույն միջոցն է թողնել դրանք` ինքնուրույն չորանան, հատկապես եթե ողջ օրդ անցկացրել ես լողափում՝ արևի տակ։ Սակայն եթե վարսահարդարիչի կիրառումից խուսափելն անհնար է, ապա այն միացրու սենյակային ջերմաստիճանում և մշտապես օգտագործիր ջերմապաշտպանիչ ցողաշիթ։
ԽՈՐՀՈՒՐԴ №9. ՆԵՐԿՈՒՄ
Քո մազերը շնորհակալ կլինեն, եթե ամռանը խուսափես քիմիական ակտիվ միջոցներ օգտագործելուց։ Այնպես որ եթե քեզ իրապես անհրաժեշտ է մազերը գունաբացել կամ ներկել, ապա փորձիր դա անել տարվա ամենաթեժ օրերից մեկ-երկու ամիս առաջ։
