1. Սխալ թույլ մի՛ տուր՝ տնից դուրս մի՛ արի առանց արևապաշտպան միջոցի: Դա պարտադիր է նույնիսկ գրասենյակում և նույնիսկ ամպամած օրերին: Միայն SPF-ն է պաշտպանում մաշկը վնասակար ուլտրամանուշակագույն ճառագայթներից, պիգմենտային հետքերից ու վաղաժամ ծերացումից:
2. Հնարավոր է՝ չգիտես. շուրթերն արևահարվում են դեմքի մյուս մասերից ավելի հաճախ: Բարձր SPF-գործոնով բալզամը փափկացնում է դրանք և պաշտպանում վնասվելուց:
3. Դեմքի տոնիկը պահիր սառնարանում, և այն կթարմացնի մաշկդ ամռան շոգին: Օրինակ, Ecobeauty ապրանքաշարն ունի ցողաշիթի տեսքով հարմար միջոց: Այն պարունակում է վարդի և երիցուկի օրգանական ջրեր, ինչպես նաև հսկայական քանակությամբ հակաօքսիդիչներ:
4. Մի՛ մոռացիր գլխամաշկի մասին: Արևային այրվածքն այս հատվածում ոչ միայն ցավոտ է, այլ նաև հանգեցնում է թեփոտվածության: Մազերիդ գիծը մշակիր արևապաշտպան միջոցով կամ գլխարկ դիր:
5. Մի՛ հրաժարվիր շերտազատող միջոցներից՝ մաշկի պարբերաբար նորացումն անհրաժեշտ է նույնիսկ ամռանը: Ընտրի՛ր մաշկը մաքրող սարք կամ սկրաբ, իսկ թթուները թող երեկոյի համար և մի՛ մոռացիր արևից պաշտպանվելու մասին:
6. Օգտագործի՛ր թարմ մրգեր և բանջարեղեն՝ լավագույն ներդրումը մաշկիդ առողջության գործում: Հատկապես ամռանը, երբ ընտրությունը լայն է, գներն էլ ցածր են: Օգտագործիր սև և կապույտ հապալաս, կիվի, նարինջ, պապայա և ելակ. Դրանք հարուստ են վիտամին C-ով:
7. Փորձի՛ր անցանկալի մազերը հեռացնելու նոր մեթոդը: Եթե սովոր ես ածելիին, ամառը մեղրամոմե թերթիկներին անցնելու ճիշտ ժամանակն է: Այդպես մաշկն ավելի քիչ է վնասվում, որն առանց այդ էլ զգայուն է դառնում արևի ազդեցության ներքո, իսկ ոտքերն է՛լ ավելի երկար են մնում կատարյալ վիճակում: Հաջողության գաղտնիքը մինչև գործընթացն օգտագործվող սկրաբն է և գործընթացից հետո խոնավացումը:
8. Պայքարի՛ր ցանի դեմ, որն առաջանում է շոգից և խոնավությունից: Մանրակրկիտ մաքրի՛ր մաշկդ, օգնի՛ր, որ այն նորանա և պահպանի՛ր այն հակամանրէային բաղադրիչներով խնամքի միջոցների օգնությամբ: Եթե մաշկը դուրս է տալիս կրծքի և ուսերի շրջանում, ուրեմն պետք է հրաժարվել սինթետիկ գործվածքներից՝ նախապատվությունը տալով վուշին և բամբակին:
9. Արևապաշտպան ակնոցներ կրիր, որպեսզի աչքերի շուրջ նուրբ մաշկը պաշտպանես կնճիռներից ու վաղաժամ ծերացումից: Խոնավացրո՛ւ հատուկ քսուքի օգնությամբ: Միևնույն՝ դեմքի քսուքն աչքերի մաշկի խնամքի համար հարմար չէ:
10. Խնամի՛ր ձեռքերդ, դրանք առաջիններից մեկն են մատնում տարիքը: Ձեռքերի դաստակները հակված են կնճիռների առաջացմանն ու հիպերպիգմենտացիային: Օգտագործի՛ր SPF-ով քսուք, որը պաշտպանում է ֆոտոծերացումից և մեծացնում մաշկի առաձգականությունը:
11. Հատուկ ուշադրություն հատկացրու լանջաբացվածքի հատվածին: Այդ հատվածի մաշկը նույնքան մանրակրկիտ խնամել է պետք, որքան և դեմքի մաշկը: Այս հատվածի մաշկը նույնիսկ ավելի բարակ և չոր է, իսկ դա նշանակում է, որ այն արևի ճառագայթների ագրեսիվ ազդեցությունից ավելի շատ է վնասվում:
12. Օգնի՛ր, որ մաշկդ վերականգնի խոնավության առողջ մակարդակը և նվազեցնի լողափին անցկացրած հանգստի վնասները: Ընտրիր հալվե վերայի պարունակությամբ միջոցներ՝ դրանք վայրկենապես հանգստացնում են, հաճելիորեն հովացնում և օգնում պահպանել արևայրուքը:
13. Մտածի՛ր նաև արևի վնասակար ազդեցությունից լիովին հաժարվելու մասին, փոխարինելով այն ավտոարևայրուքով: Ժամանակակից, օրինակ՝ ցողաշիթի տեսքով միջոցները հեշտությամբ տարածվում են և բաշխվում, դրանք հեշտությամբ կարող է օգտագործել անգամ այդ գործում սկսնակը: Ընդամենը մեկ-երկու ժամից քո մարմինը կփայլի ոսկեգույն, բայց անվտանգ արևայրուքից:
14. Սիրո՞ւմ ես հանգստանալ լողավազանում: Ստիպված կլինես վազել ցնցուղի տակ՝ ամեն անգամ ջրից դուրս գալուց հետո: Քլորը քայքայում է մաշկի վերին շերտը, որն անհրաժեշտ է խոնավությունը պահելու համար: Որքան հնարավոր է արագ լվա՛ քլորը, իսկ օրվա վերջում տարածիր ինտենսիվ խոնավացնող քսուք:
15. Եթե շոգին մաշկիդ վրա կարմրություններ են առաջանում, փորձիր լվացվել սառը ջրով՝ այն նեղացնում է անոթները:
