Բույրերի նկատմամբ կիրքը Ֆաբրիս Պելեգրենը ժառանգել է իր հորից, որը նույնպես պարֆյումեր էր։ Ֆաբրիսը մեծացել է Ֆրանսիայում, պրոֆեսիոնալ առումով կայացել Robertet պարֆյումերային տանը, որից հետո համագործակցել է Mane և Hermès տների հետ։ Պելեգրենը մասնակցություն է ունեցել ամենահայտնի բույրերի ստեղծման մեջ Thierry Mugler, Diptyque, Giorgio Armani նորաձևության և պարֆյումերիայի տների և, իհարկե, Oriflame ընկերության համար։
Նրա վերջին ստեղծագործությունը` Giordani Gold Essenza բույրն, որի կոմպոզիցիայում, ըստ պարֆյումերի, բացվում են արևի ու երջանկության նոտաները։
Ոգեշնչված Իտալիայի կերպարներից՝ բույրը պարունակում է նարնջի ծառի ծաղիկների նոտա։ Սակայն պարզվեց, որ այս նոտան ստանալը շատ բարդ խնդիր է։
«Տեխնոլոգիական առումով նարնջի ծառի ծաղիկների նոտան ստանալը հեշտ չէր։ Իմ տեխնիկների հետ շաբաթը մեկ անգամ ձեռքով կարգավորում էի սարքերը՝ տեղադրելով անհրաժեշտ ճնշումն ու ջերմաստիճանը՝ այս բույրի մեջ լավագույնը ուժեղացնելու համար»,- ասում է Պելեգրենը։
Այս նոտայի մզվածքը ստանալու համար Պելեգրենի օգտագործած տեխնոլոգիան այնքան բարդ է, որ այն սովորաբար օգտագործվում է միայն բարձրորակ բույր ստանալու պրոցեսում։
Բույրի ստեղծումը պահանջում է ժամանակ և վարպետություն։ Նարնջի ծառի ծաղիկների նոտայի կատարելագործումը Պալեգրենից պահանջել է մի քանի ամիս։ Արդյունքում ստացվել է բույր, որի սրտում հնչում է նարնջի նոտա, դրանից հետո լսվում են ցիտրուսի և բերգամոտի նոտաները, և որպես իտալական ոճին հարգանքի տուրք՝ հիմնական նոտան տոսկանյան նոճին է։
Պելեգրենի խոսքերով՝ նարնջի ծաղկի նոտաները դարձել են այն «մոգական բաղադրիչը», առանց որի բույրը չէր լինի այդքան եզակի։ Այնքան յուրահատուկ, որ այս նոտան կօգտագործվի միայն Giordani Gold Essenza բույրի մեջ։
